ഗർഭിണികൾക്ക് ഇന്നു മുതൽ വാക്സിൻ, സ്ലോട്ട് ബുക്ക് ചെയ്യേണ്ട, രേഖകളുമായി എത്തണം

കൊച്ചി; എറണാകുളം ജില്ലയിൽ ​ഗർഭിണികൾക്ക് കോവിഡ് വാക്സിൻ നൽകാനുള്ള കർമപദ്ധതിക്ക് ഇന്നു തുടക്കം. വാക്സിൻ കേന്ദ്രത്തിൽ എത്തിയാൽ കുത്തിവയ്പ്പ് ലഭ്യമാക്കും. രണ്ടാഴ്ചയ്ക്കുള്ളിൽ ജില്ലയിലെ മുഴുവൻ ​ഗർഭിണികൾക്കും വാക്സിൻ നൽകാനാണ് ലക്ഷ്യമിടുന്നത്. 

വാക്സിൻ ലഭിക്കാൻ ​ഗർഭിണികൾ മുൻകൂട്ടി സ്ലോട്ട് ബുക്ക് ചെയ്യേണ്ടതില്ല. ​ഗർഭിണിയാണെന്ന് തെളിയിക്കുന്ന രേഖകൾ സഹിതം വാക്സിനേഷൻ കേന്ദ്രത്തിൽ നേരിട്ടു പോയാൽ മതി. ഉച്ചയ്ക്ക് ശേഷം 2 മുതൽ 4 വരെയാണ് ഉചിതമായ സമയം. കോവിൻ പോർട്ടലിൽ രജിസ്റ്റർ ചെയ്യുന്നതാണ് നല്ലത്. ഹെൽപ് ലൈൻ നമ്പർ; 9072303861, 9072303927.