ന്യൂഡല്ഹി: പ്രധാനമന്ത്രി നരേന്ദ്ര മോദിയുമായി രാഷ്ട്രപതി ഭവനില് കൂടിക്കാഴ്ച നടത്തി എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. രാഷ്ട്രപതിയില് നിന്നും പത്മഭൂഷണ് പുരസ്കാരം സ്വീകരിച്ചതിനു ശേഷമായിരുന്നു കൂടിക്കാഴ്ച.
അന്പത് കിലോ തൂക്കമുള്ള തിരുപ്പതി ബാലാജിയുടെ വെങ്കല പ്രതിമയും ശ്രീ നാരായണ ഗുരുദേവ ദര്ശനത്തിന്റെ വിവിധ വോള്യങ്ങള് അടങ്ങിയ പുസ്തകങ്ങളും കേരളീയ തനിമയുടെ കസവ് പാട്ടില് നൂര്ന്ന ഷാളും വെള്ളാപ്പള്ളി പ്രധാനമന്ത്രിക്ക് സമ്മാനിച്ചു. ഏകദേശം 20 മിനിട്ടോളം കൂടിക്കാഴ്ച ഉണ്ടായിരുന്നു.വെള്ളാപ്പള്ളി നടേശന് സമൂഹത്തിനു നല്കിയ സേവനങ്ങള് പ്രശംസനീയം ആണെന്നും ഗുരുദേവ ദര്ശങ്ങള് എന്നും വഴികാട്ടിയാണെന്നും ദര്ശനത്തിന്റെ പുസ്തകങ്ങള് ഏറെ പ്രീയപ്പെട്ടതാണെന്നും പ്രധാന മന്ത്രി പറഞ്ഞു.
എസ്എന്ഡിപി യോഗം വൈസ് പ്രസിഡന്റ് തുഷാര് വെള്ളാപ്പള്ളി, പ്രീതി നടേശന്, പന്തളം യൂണിയന് പ്രസിഡന്റ് അഡ്വ. സിനില് മുണ്ടപ്പള്ളി, മകള് വന്ദന ശ്രീകുമാര്, ശ്രീകുമാര് എന്നിവരും വെള്ളാപ്പള്ളി നടേശനൊപ്പം ഉണ്ടായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
