​തടികൾ അപ്രതീക്ഷിതമായി താഴേക്ക് ഉരുണ്ടു; ലോറിയിൽ നിന്നു മരം ദേഹത്തു വീണ് തൊഴിലാളിക്ക് ദാരുണാന്ത്യം

മലപ്പുറം: ലോറിയിൽ നിന്നു മരം ഇറക്കുന്നതിനിടെ തടികൾ ദേഹത്തു വീണ് ചുമട്ടു തൊഴിലാളിക്ക് ദാരുണാന്ത്യം. മലപ്പുറത്താണ് അപകടം. തുവ്വൂർ സ്വദേശി ഷംസുദ്ദീൻ (54) ആണ് മരിച്ചത്. ഇന്ന് രാവിലെ ഒൻപതരയോടെയാണ് അപകടം.

ഷംസുദ്ദീനും മറ്റു തൊഴിലാളികളും ചേർന്നു മര മില്ലിലേക്ക് മരം ഇറക്കുന്നതിനിടെയാണ് അപ്രതീക്ഷിത അപകടം. ലോറിയിൽ നിന്നു തടികൾ താഴേക്കു വീഴുകയായിരുന്നു.

ചേന്ദമം​ഗലം കൂട്ടക്കൊല; പ്രതി ലഹരി ഉപയോ​ഗിച്ചിരുന്നില്ല, മാനസിക പ്രശ്നവുമില്ലെന്ന് പൊലീസ്; ഋതു റിമാൻഡിൽ

ലോറിക്ക് മുകളിലായിരുന്നു ഷംസുദ്ദീൻ. തടികൾക്കൊപ്പം ഷംസു​ദ്ദീനും താഴേക്കു വീഴുകയായിരുന്നു. വീഴ്ചയിൽ നിന്നു എഴുന്നേൽക്കാൻ സാധിക്കാതെ കിടന്ന ഷംസുദ്ദീന്റെ ദേഹത്തേക്ക് ലോറിയിൽ നിന്നു മറ്റൊരു തടി വീഴുകയായിരുന്നു.