കോഴിക്കോട് മൂന്ന് പേർ തിരയിൽപ്പെട്ടു; രക്ഷപ്പെടുത്തിയ രണ്ടുപേരിൽ ഒരാൾ മരിച്ചു

കോഴിക്കോട്: കോഴിക്കോട് ബീച്ചിൽ തിരയിൽപ്പെട്ട് കാണാതായ മൂന്ന് പേരിൽ രണ്ടുപേരെ രക്ഷപ്പെടുത്തി. ഇതിൽ ഒരാൾ മരിച്ചു. മൂന്നാമത്തെ ആൾക്കായുള്ള തെരച്ചിൽ തുടരുന്നു.

കോഴിക്കോട്  ലയൺസ് പാർക്കിന് സമീപം ബീച്ചിൽ വൈകുന്നേരമാണ് സംഭവം. വയനാട് സ്വദേശികളായ മൂന്ന് പേരെയാണ് കാണാതായത്. അജയ് (18), ജെറിൻ (18) എന്നിവരെ രക്ഷിച്ച് ആശുപത്രിയിൽ പ്രവേശിപ്പിച്ചു. പിന്നീട് ജെറിൻ മരിക്കുകയായിരുന്നു.

വയനാട് സ്വദേശി അർഷാദി(30) ന് വേണ്ടിയാണ് തെരച്ചിൽ തുടരുന്നത്. വെളളയിൽ പൊലീസും ഫയർ ആൻഡ് റെസ്ക്യു ഫോഴ്സും ചേർന്നാണ് തെരച്ചിൽ നടത്തുന്നത്.