കാസർഗോഡ്: റോഡിലെ കുഴിയിൽ വീഴാതിരിക്കാൻ ശ്രമിക്കുന്നതിനിടെ ഇരുചക്രവാഹനത്തിൽനിന്ന്‌ തെറിച്ചുവീണ് യുവാവ് മരിച്ചു. രാജപുരം മാനടുക്കം ശാസ്ത്രിനഗർ കോളനിയിലെ രാമന്റെയും കാരിച്ചിയുടെയും മകൻ വിജേഷ് (20) ആണ് മരിച്ചത്.
കാഞ്ഞങ്ങാട്-പാണത്തൂർ സംസ്ഥാനപാതയിൽ കോളിച്ചാൽ പെട്രോൾപമ്പിന് സമീപം തിങ്കളാഴ്ച രാത്രിയാണ് അപകടമുണ്ടായത്. പനത്തടി ഭാഗത്തുനിന്ന്‌ കോളിച്ചാലിലേക്ക് പോകുകയായിരുന്നു വിജേഷ്. യുവാവ് റോഡിലേക്ക് തെറിച്ച് വീഴുന്നതുകണ്ട് ഓടിക്കൂടിയ നാട്ടുകാർ ഉടൻ കാഞ്ഞങ്ങാട് ജില്ലാ ആശുപത്രിയിൽ എത്തിച്ചെങ്കിലും വഴിമധ്യേ മരിച്ചു. മൃതദേഹം കാസർഗോഡ് ജനറൽ ആശുപത്രിയിൽ പോസ്റ്റ്‌മോർട്ടം നടത്തിയശേഷം വീട്ടുവളപ്പിൽ സംസ്കരിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
