കുറുപ്പംപടി: അടുക്കളയില്‍ ജോലി ചെയ്യവെ പ്ലേറ്റ് കൊണ്ട് മുറിവേറ്റ വീട്ടമ്മ മരിച്ചു. അശമന്നൂര്‍ പുന്നയം പോമയ്ക്കല്‍ ജോയിയുടെ ഭാര്യ ലില്ലി(47) ആണ് മരിച്ചത്. വ്യാഴാഴ്ച ഉച്ചയ്ക്ക് രണ്ട് മണിയോടെയായിരുന്നു സംഭവം.
പൊട്ടിയ സെറാമിക് പ്ലേറ്റ് കൊണ്ട് കയ്യിലുണ്ടായ മുറിവാണ് മരണത്തിലേക്ക് നയിച്ചത്. ഉച്ചഭക്ഷണം കഴിച്ചതിന് ശേഷം പാത്രം കഴുകവെ പ്ലേറ്റ് നിലത്തേക്ക് വീഴാന്‍ പോയി. ഇത് പിടിക്കാന്‍ ശ്രമിച്ചപ്പോള്‍ കൈത്തണ്ടയ്ക്ക് മുറിവേറ്റു. മുറിവില്‍ നിന്നും രക്തം ഒഴികിയതോടെ വീട്ടില്‍ നിന്നും കാറില്‍ കയറ്റി ആദ്യം ഒടയ്ക്കാലി ജങ്ഷനിലെ ആശുപത്രിയിലും പിന്നീട് ആംബുലന്‍സില്‍ പെരുമ്പാവൂരിലെ ആശുപത്രിയിലും എത്തിച്ചു.
എന്നാല്‍ ജീവന്‍ രക്ഷിക്കുവാനായില്ല. ലില്ലിക്ക് രക്തസമ്മര്‍ദ്ദമുണ്ട്. മുറിവില്‍ നിന്നുമുണ്ടായ അമിത രക്തസ്രാവമാണ് മരണകാരം എന്നാണ് പ്രാഥമിക നിഗമനം. മൃതദേഹം പോസ്റ്റുമോര്‍ട്ടത്തിന് ശേഷം വെള്ളിയാഴ്ച സംസ്‌കരിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
