അതിഥി തൊഴിലാളികളെ സംഘടിപ്പിച്ചു; വെൽഫെയർ പാർട്ടി ജില്ലാ പ്രസിഡന്റ് അറസ്റ്റിലായി 

ആലപ്പുഴ: ഹരിപ്പാട് അതിഥി തൊഴിലാളികളെ സംഘടിപ്പിക്കാൻ ശ്രമിച്ച വിഷയത്തിൽ വെൽഫെയർ പാർട്ടി നേതാവ് അറസ്റ്റിൽ. വെൽഫെയർ പാർട്ടി ആലപ്പുഴ ജില്ലാ പ്രസിഡന്റ് നാസർ ആറാട്ടുപുഴയാണ് അറസ്റ്റിലായത്. 

കാർത്തികപ്പള്ളി താലൂക്കിലെ വിവിധ പ്രദേശങ്ങളിലാണ് ഇയാൾ തൊഴിലാളികളെ സംഘടിപ്പിക്കാൻ ശ്രമിച്ചത്. ആലപ്പുഴ ജില്ലാ പൊലീസ് മേധാവിയുടെ സ്പെഷൽ സ്ക്വാഡാണ് ഇയാളെ കസ്റ്റഡിയിലെടുത്തത്. 

ഐപിസി 153, 188, 269, 118ഇ വകുപ്പുകളും എപ്പിഡമിക് ഡിസീസ് ആക്ട് വകുപ്പും നാസറിനെതിരെ ചുമത്തി. കഴിഞ്ഞ നിയമസഭാ തെരഞ്ഞെടുപ്പിൽ അമ്പലപ്പുഴയിൽ നിന്ന് മത്സരിച്ചയാളാണ് നാസർ. 

(ഈ വാർത്തയിൽ വെൽഫെയർ പാർട്ടി എന്നതിന് പകരം എസ്ഡിപിഐ ജില്ലാ പ്രസിഡന്റ് അറസ്റ്റിലായി എന്നാണ് നേരത്തെ നൽകിയിരുന്നത്. പിന്നീട് നടത്തിയ അന്വേഷണത്തിൽ തെറ്റാണെന്ന് ബോധ്യപ്പെട്ടു. തെറ്റുപറ്റിയതിൽ നിർവ്യാജം ഖേദിക്കുന്നു.)