തന്റെ പ്രവര്ത്തനം കൊണ്ട് കൈയടി നേടുകയാണ് ആരോഗ്യമന്ത്രി കെ.കെ ശൈലജ. കഴിഞ്ഞ ദിവസം ഫേയ്സ്ബുക്ക് പോസ്റ്റില് കമന്റിലൂടെ സഹായം അഭ്യര്ത്ഥിച്ച യുവാവിന് ആവശ്യമായ സഹായം ലഭ്യമാക്കിയത് സോഷ്യല് മീഡിയയില് വലിയ രീതിയില് പ്രശംസിക്കപ്പെട്ടിരുന്നു. ഇപ്പോള് വാഹനാപകടത്തില് കൈ നഷ്ടപ്പെട്ട വിദ്യാര്ത്ഥിക്ക് ആധുനിക കൃത്രിമ കൈ നല്കിയിരിക്കുകയാണ് മന്ത്രി.
കൊല്ലം തട്ടര്ക്കോണം പേരൂര് സിന്ധുബീവിയുടെ മകന് ഷിബിനാണ് കേരള സാമൂഹ്യ സുരക്ഷാ മിഷന് വി കെയര് പദ്ധതിയില് ഉള്പ്പെടുത്തി 4.37 ലക്ഷം രൂപയുടെ കൈ പിടിപ്പിച്ചത്. സാമ്പത്തികമായ പിന്നോക്കം നില്ക്കുന്ന വിധവയായ സിന്ധുബീവിയുടെ അപേക്ഷ പരിഗണിച്ചായിരുന്നു സഹായം. ഇലക്ട്രോണിക് കണ്ട്രോള് സംവിധാനങ്ങളോട് കൂടി കൃത്രിമ കൈ പിടിപ്പിച്ച ഷിബിനെ നേരിട്ട് കാണാനും മന്ത്രി മറന്നില്ല. ഷിബിന് സഹായം നല്കിക്കൊണ്ടുള്ള മന്ത്രിയുടെ പോസ്റ്റ് വൈറലാകുകയാണ്. മന്ത്രിയുടെ പ്രവര്ത്തനങ്ങളെ പുകഴ്ത്തിക്കൊണ്ട് നിരവധി കമന്റുകളാണ് എത്തുന്നത്.
കെ.കെ ശൈലജയുടെ ഫേയ്സ്ബുക്ക് പോസ്റ്റ് വായിക്കാം
വാഹനാപകടത്തില് കൈ നഷ്ടപ്പെട്ട കൊല്ലം തട്ടര്ക്കോണം പേരൂര് സിന്ധുബീവിയുടെ മകന് ഷിബിന് അത്യാധുനിക കൃത്രിമ കൈ നല്കി.
സാമ്പത്തികമായ പിന്നോക്കം നില്ക്കുന്ന വിധവയായ സിന്ധുബീവിയുടെ അപേക്ഷ പരിഗണിച്ചാണ് മകന് ഷിബിന് കേരള സാമൂഹ്യ സുരക്ഷാ മിഷന് വി കെയര് പദ്ധതിയിലൂടെ സഹായം നല്കുന്നത്. വാഹനാപകടത്തില് വലതു കൈ നഷ്ടപ്പെട്ട ഷിബിന് രണ്ടാം വര്ഷ ബി കോം വിദ്യാര്ത്ഥിയാണ്. ഇലക്ട്രോണിക് കണ്ട്രോള് സംവിധാനമുള്ള അത്യാധുനിക കൈ 4.37 ലക്ഷം രൂപ ചെലവിട്ടാണ് കേരള സാമൂഹ്യ സുരക്ഷാ മിഷന് വി കെയര് പദ്ധതിയിലൂടെ നല്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
