ആലപ്പുഴ ജില്ലയില്‍ പുതിയ കണ്ടെയ്ന്‍മെന്റ് സോണുകള്‍; ആറാട്ടുപുഴയിലെ കോവിഡ് ബാധിതയുടെ ഭര്‍ത്താവിന് നിരവധിപേരുമായി സമ്പര്‍ക്കം

ആറാട്ടുപുഴ: ആലപ്പുഴ ജില്ലയിലെ ആറാട്ടുപുഴ പഞ്ചായത്തില 6,7 വാര്‍ഡുകള്‍ കണ്ടെയ്ന്‍മെന്റ് സോണുകളായി പ്രഖ്യാപിച്ചു. ഈ വാര്‍ഡുകളില്‍ ഗതാഗത നിരോധനം ഏര്‍പ്പെടുത്തി.

ആറാട്ടുപുഴ പഞ്ചായത്തില്‍ കോവിഡ് സ്ഥിരീകരിച്ച സ്ത്രീക്ക് എവിടെനിന്നാണ് രോഗം പകര്‍ന്നതെന്ന് ഇതുവരെയും കണ്ടെത്താന്‍ സാധിച്ചിട്ടില്ല. ഇവരുടെ ഭര്‍ത്താവിന് ഹാര്‍ബറിലും തീരപ്രദേശങ്ങളിലും ഉള്‍പ്പെടെ നിരവവധിപേരുമായി സമ്പര്‍ക്കമുണ്ടായതായി കണ്ടെത്തി. അവശ്യവസ്തുക്കളുടെ വിതരണത്തിനും അടിയന്തര വൈദ്യസഹായത്തിനുള്ള യാത്രയ്ക്കും നിയന്ത്രണങ്ങളോടെ ഇളവുണ്ടാവും.