ആർബിഐയിൽ നിന്നാണെന്ന് പറഞ്ഞു വിളിച്ചു, ഒടിപി നമ്പർ വാങ്ങി; കുസാറ്റ് മുൻ വിസിക്ക് രണ്ടുലക്ഷത്തോളം രൂപ നഷ്ടമായി

കൊച്ചി: റി​സ​ർ​വ് ബാ​ങ്കി​ൽ ​നി​ന്നെ​ന്ന വ്യാ​ജേ​ന ഫോ​ണി​ൽ വി​ളി​ച്ച അ​ജ്ഞാ​ത​ൻ കു​സാ​റ്റ് മു​ൻ വൈസ് ചാൻസലറെ ക​ബ​ളി​പ്പി​ച്ച് അ​ക്കൗ​ണ്ടി​ൽ​നി​ന്ന്​ 1.92 ല​ക്ഷം ത​ട്ടി​യെ​ടു​ത്തു. കൊ​ച്ചി സ​ർ​വ​ക​ലാ​ശാ​ല മു​ൻ വി സി ജെ ​ല​ത​യു​ടെ എ​സ്​ബിഐ കു​സാ​റ്റ് ശാ​ഖ​യി​ലെ അ​ക്കൗ​ണ്ടി​ൽ​നി​ന്നാ​ണ് പ​ണം ത​ട്ടി​യ​ത്. 

പ​ഴ​യ ഡെ​ബി​റ്റ് കാ​ർ​ഡ് ബ്ലോ​ക്കാ​ക്കി​യ​താ​യും പു​തി​യ ചി​പ്പ് ഘ​ടി​പ്പി​ച്ച​ത്​ നൽകാനെന്നും പ​റ​ഞ്ഞ്​ റി​സ​ർ​വ് ബാ​ങ്കി​ൽ​നി​ന്നെ​ന്ന വ്യാ​ജേ​ന​യാ​ണ്​ അ​ജ്ഞാ​ത​ൻ ഫോ​ണി​ൽ വി​ളി​ച്ച​ത്. സം​ശ​യം തോ​ന്നാ​തി​രി​ക്കാ​ൻ എ​സ്ബിഐ​യു​ടെ എം​ബ്ലം ഉ​ള്ള വാ​ട്ട്സ്ആ​പ്പ് വോ​യി​സ് മെ​സേ​ജ് അ​യ​ച്ച​ശേ​ഷം പി​ന്നാ​ലെ ഫോ​ണി​ൽ വി​ളി​ച്ച് വി​വ​ര​ങ്ങ​ൾ ശേ​ഖ​രി​ക്കു​ക​യാ​യി​രു​ന്നു.

വി​ശ്വാ​സ്യ​ത​യ്ക്കാ​യി കു​സാ​റ്റ് ര​ജി​സ്ട്രാ​റു​ടെ​യും പ്രൊ​വൈ​സ് ചാ​ൻ​സ​ല​റു​ടെ​യും ഡെ​ബി​റ്റ് കാ​ർ​ഡ് ഇ​ട​പാ​ടു​ക​ൾ ശ​രി​യാ​ക്കി കൊ​ടു​ത്ത​ത് താ​നാ​ണെ​ന്നും വി​ളി​ച്ച​യാ​ൾ വ്യ​ക്ത​മാ​ക്കി​യി​രു​ന്നു. തൊ​ട്ടു​പി​ന്നാ​ലെ ല​ത​യു​ടെ ഫോ​ണി​ലേ​ക്ക് എ​ത്തി​യ ഒടിപി ന​മ്പ​റും വാ​ങ്ങി​യെ​ടു​ത്ത് പ​ണം പി​ൻ​വ​ലി​ക്കു​ക​യാ​യി​രു​ന്നു. ആ​ദ്യം 92,500 രൂ​പ​യും പി​ന്നാ​ലെ 99,999 രൂ​പ​യു​മാ​ണ് പി​ൻ​വ​ലി​ച്ച​ത്.

ഇ​തി​ന്​ പി​ന്നാ​ലെ ഫോ​ണി​ൽ എ​ത്തി​യ സ​ന്ദേ​ശം ക​ണ്ടാ​ണ് ക​ബ​ളി​ക്ക​പ്പെ​ട്ട​ത് മ​ന​സ്സി​ലാ​യ​ത്. വി​വ​രം അ​റി​ഞ്ഞ ഭ​ർ​ത്താ​വ് ഉ​ട​ൻ ഫോ​ൺ വ​ന്ന ന​മ്പ​റി​ലേ​ക്ക് വി​ളി​ച്ചെ​ങ്കി​ലും പ്ര​തി​ക​ര​ണം ഉ​ണ്ടാ​യി​ല്ല. ബ്രാ​ഞ്ചി​ൽ വി​ളി​ച്ച​ന്വേ​ഷി​ച്ച​പ്പോ​ൾ പ​ണം പി​ൻ​വ​ലി​ച്ച​താ​യി അ​റി​ഞ്ഞു. ക​ള​മ​ശ്ശേ​രി പൊ​ലീ​സി​ൽ ന​ൽ​കി​യ പ​രാ​തി​യി​ൽ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.