ലോക്സഭ തെരഞ്ഞെടുപ്പ് പ്രചാരണത്തിനിടെ വയനാടിനെ പാകിസ്ഥാനോട് ഉപമിച്ച ബിജെപി ദേശീയ അധ്യക്ഷൻ അമിത് ഷായുടെ പ്രസംഗം വൻ വിവാദമായിരുന്നു. വയനാട്ടിൽ രാഹുൽ ഗാന്ധിയെ സ്വീകരിക്കാൻ യുഡിഎഫ് നടത്തിയ റാലി കണ്ടാൽ വയനാട് ഇന്ത്യയാണോ പാക്കിസ്ഥാനാണോ എന്ന് സംശയം തോന്നുമെന്നായിരുന്നു അമിത് ഷായുടെ വിവാദ പരാമർശം. രാഹുൽഗാന്ധിയുടെ റോഡ്ഷോയിലെ മുസ്ലിം ലീഗ് കൊടിയെ ഉദ്ദേശിച്ചായിരുന്നു അമിത് ഷായുടെ പരാമർശം. ബിജെപിക്കെതിരെ കോൺഗ്രസും ഇടതുപക്ഷവും ഇത് പ്രചാരണായുധമാക്കുകയും ചെയ്തിരുന്നു.
അതിനിടെ അമിത് ഷായെ ട്രോളി എഴുത്തുകാരൻ എൻഎസ് മാധവൻ രംഗത്തെത്തി. വയനാട്ടിൽ ഇടതുപക്ഷം നടത്തിയ റാലിയുടെ ചിത്രം പങ്കുവച്ചായിരുന്നു അദ്ദേഹത്തിന്റെ ട്വീറ്റ്. ഈ റാലി കണ്ടിട്ട് വയനാട് ചൈനയിലാണെന്ന് അമിത് ഷാ പറയുമെന്നായിരുന്നു ട്വിറ്ററിലൂടെ അദ്ദേഹത്തിന്റെ പരിഹാസം. എൻഎസ് മാധവന്റെ കുറിപ്പ് സൈബർ ലോകത്ത് വൈറലായി മാറി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates