ഇന്ധന വില വര്‍ധനയില്‍ പ്രതിഷേധം ; കാളവണ്ടി യാത്രയുമായി ചെന്നിത്തല ( വീഡിയോ )

തിരുവനന്തപുരം : ഇന്ധന വില വര്‍ധനയില്‍ പ്രതിഷേധവുമായി കോണ്‍ഗ്രസ്. രാജ്ഭവനിലേക്ക് പ്രതീകാത്മ കാളവണ്ടി യാത്ര നടത്തിയായിരുന്നു പ്രതിഷേധം. കാളവണ്ടി യാത്രയില്‍ പ്രതിപക്ഷ നേതാവ് രമേശ് ചെന്നിത്തല, കെപിസിസി അധ്യക്ഷന്‍ എംഎം ഹസ്സന്‍ തുടങ്ങിയവര്‍ പങ്കെടുത്തു. 

സാധാരണ ജനങ്ങളെ പൊറുതിമുട്ടിക്കുന്ന ഇന്ധനവിലക്കയറ്റം പിടിച്ചു നിര്‍ത്തുന്നതില്‍ പരാജയപ്പെട്ട കേന്ദ്ര സര്‍ക്കാരിനെതിരെയും അധിക നികുതി വേണ്ടെന്ന് വയ്ക്കാത്ത സംസ്ഥാന സര്‍ക്കാരിനെതിരെയുമായിരുന്നു പ്രതിഷേധം. യുഡിഎഫിന്റെ നേതൃത്വത്തിലായിരുന്നു പ്രതിഷേധ മാര്‍ച്ച് നടത്തിയത്.