തിരുവനന്തപുരം: എറണാകുളത്തിന്റെ നിലവിലെ അവസ്ഥയ്ക്ക് കാരണം ഭരണത്തിലെ കരുതല്‍ കുറവുകളാണെന്ന് സുരേഷ് ഗോപി എംപി. വട്ടിയൂര്‍ക്കാവില്‍ വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു സുരേഷ ഗോപി.
അതിദയനീയമാണ് എറണാകുളത്തിന്റെ അവസ്ഥ. എന്നാല്‍ ഇന്ന് പെയ്ത മഴയില്‍ ഉണ്ടായതല്ല ഈ കെടുതികളൊന്നും. നിലവിലെ അവസ്ഥയ്ക്ക് കാരണം ഭരണത്തിന്റെ കരുതല്‍ കുറവാണ്. ഗ്രീന്‍ ബെല്‍റ്റ് എന്നുണ്ടല്ലോ? നാല് ഫ്‌ളാറ്റുകളെ മാത്രം ശിക്ഷിച്ചാല്‍ മതിയോയെന്നും സുരേഷ് ഗോപി ചോദിച്ചു.
ഇത്രയും കാലം ഇവിടെയുള്ള മുന്നണികള്‍ക്ക് പറ്റാത്തത് ഈ ഉപതെരഞ്ഞെടുപ്പില്‍ ഞങ്ങള്‍ക്ക് അവസരം തന്നാല്‍ നടത്തി കാണിക്കാം. കേരളത്തിലെ ജനതയ്ക്ക് ഈ അഞ്ച് ഉപതെരഞ്ഞെടുപ്പിലും ഉത്തരവാദിത്വമുണ്ടെന്നും അദ്ദേഹം വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
