ഐഎന്‍എസ് ജലാശ്വയില്‍ ഉണ്ടായിരുന്ന 3 പേര്‍ക്ക് രോഗലക്ഷണങ്ങള്‍; ആശുപത്രിയിലാക്കി; 47 പേര്‍ നിരീക്ഷണ കേന്ദ്രങ്ങളില്‍

കൊച്ചി: കൊച്ചി തുറമുഖത്ത് എത്തിയ ഐഎന്‍എസ് ജലാശ്വയില്‍ ഉണ്ടായിരുന്ന  3 പേരെ രോഗലക്ഷണങ്ങള്‍ കണ്ടെതിനെ തുടര്‍ന്ന് കരുവേലിപ്പടി താലൂക്ക് ആശുപത്രിയില്‍ പ്രവേശിപ്പിച്ചു. പാലക്കാട് ജില്ലയില്‍ നിന്നുള്ള     ഒരാളും, തിരുവനന്തപുരം, കൊല്ലം ജില്ലയിലുള്ള ഒരാളെയുമാണ് ആശുപത്രിയില്‍ പ്രവേശിപ്പിച്ചത്. എറണാകുളം ജില്ലക്കാരായ  47 പേരെ വിവിധ നിരീക്ഷണ കേന്ദ്രങ്ങളില്‍  പ്രവേശിപ്പിച്ചു
 
ഐഎന്‍എസ് ജലാശ്വയിലെ 588 യാത്രക്കാരില്‍ 487പേരും മലയാളികള്‍. യാത്രക്കാരില്‍ എറണാകുളം ജില്ലക്കാരായ 68 പേരാണ് ഉള്ളത്. ആലപ്പുഴ 46,  ഇടുക്കി 23, കണ്ണൂര്‍ 16,  കാസര്‍ഗോഡ് 16, കൊല്ലം 54, കോട്ടയം 19, കോഴിക്കോട് 18, മലപ്പുറം 2, പാലക്കാട് 35,  പത്തനംതിട്ട 9, തിരുവനന്തപുരം 120 വയനാട് 11, തൃശൂര്‍ 50 എന്നിങ്ങനെയാണ് വിവിധ ജില്ലകളില്‍ നിന്നുള്ള യാത്രക്കാരുടെ എണ്ണം.