ഒളിച്ചുകളി തുടർന്ന് കല്ലട സുരേഷ് ; ചോദ്യം ചെയ്യലിന് ഇന്നും ഹാജരാകില്ല; ചികിൽസയിലെന്ന് വിശദീകരണം

കൊ​ച്ചി: കൊച്ചിയിൽ വെച്ച് ക​ല്ല​ട ബ​സി​ൽ യാ​ത്ര​ക്കാ​രെ മ​ർ​ദി​ച്ച സം​ഭ​വ​ത്തി​ൽ ബ​സ് ഉ​ട​മ സു​രേ​ഷ് ക​ല്ല​ട ചോ​ദ്യം ചെ​യ്യ​ലി​നാ​യി ഇ​ന്നും പൊലീസിന് മുന്നിൽ ഹാ​ജ​രാ​കി​ല്ല. ആ​രോ​ഗ്യ​പ്ര​ശ്ന​മു​ള്ള​തി​നാ​ൽ ചോ​ദ്യം ചെ​യ്യ​ലി​ന് ഹാ​ജ​രാ​കാ​ൻ സാ​ധി​ക്കി​ല്ലെ​ന്ന് അ​ദ്ദേ​ഹം പൊലീ​സി​നെ അ​റി​യി​ച്ചു. ഉ​യ​ർ​ന്ന ര​ക്ത സ​മ്മ​ർ​ദ്ദ​ത്തെ തു​ട​ർ​ന്ന് തി​രു​വ​ന​ന്ത​പു​ര​ത്തെ ആ​ശു​പ​ത്രി​യി​ൽ ചി​കി​ത്സ​യി​ലാ​ണെ​ന്നാ​ണ് സുരേഷ് നൽകിയ വി​ശ​ദീ​ക​ര​ണം.

യാത്രക്കാരെ മർദിച്ച സംഭവത്തിൽ ഇന്ന് കേസ് അന്വേഷിക്കുന്ന തൃക്കാക്കര അസിസ്റ്റന്റ് കമ്മീഷണർക്ക് മുമ്പാകെ ഹാജരാകാനായിരുന്നു നിർദേശം നൽകിയത്. എന്നാൽ ആശുപത്രിയിൽ ചികിൽസയിലാണെന്ന വിശദീകരണത്തിന്, ചികിൽസാ രേഖകൾ ഹാജരാക്കാൻ സുരേഷിനോട് പൊലീസ് ആവശ്യപ്പെട്ടു. എന്നാൽ ഇതിൽ സുരേഷ്  മറുപടി നൽകിയിട്ടില്ല. 

ഇ​ന്നു​കൂ​ടി ഹാ​ജ​രാ​യി​ല്ലെ​ങ്കി​ൽ കല്ലട സുരേഷിനെതിരെ പൊ​ലീ​സി​ന്‍റെ ഭാ​ഗ​ത്തു​നി​ന്നും ക​ടു​ത്ത ന​ട​പ​ടി ഉ​ണ്ടാ​യേ​ക്കുമെന്ന് സൂചനയുണ്ട്. സു​രേ​ഷി​ന് സം​ഭ​വ​ത്തി​ൽ പ​ങ്കു​ണ്ടോ​യെ​ന്ന് ക​ണ്ടെ​ത്താ​നാ​ണ് പൊ​ലീ​സി​ന്‍റെ ശ്ര​മം. കല്ലട സുരേഷിന്റെ ഉടമസ്ഥതയിലുള്ള ട്രാവൽസിന്റെ ഓഫീസിൽ നടത്തിയ റെയ്ഡിൽ വൻ ക്രമക്കേട് പൊലീസ് കണ്ടെത്തിയിരുന്നു.