തിരുവനന്തപുരം: ഓണം സീസണിലെ 10 ദിവസങ്ങളിലായി സംസ്ഥാനത്ത് 516 കോടി രൂപയുടെ മദ്യവില്‍പ്പന നടന്നെന്ന് ബിവറേജസ് കോര്‍പ്പറേഷന്റെ കണക്കുകള്‍. ഉത്രാടത്തിന് 88 കോടി രൂപയുടെയും അവിട്ടത്തിന് 59 കോടി രൂപയുടെയും മദ്യം ബിവറേജസ് ഔട്ട്‌ലെറ്റുകള്‍ വഴി വിറ്റെന്ന് കണക്കുകള്‍ വ്യക്തമാക്കുന്നു.
കഴിഞ്ഞ വര്‍ഷത്തേക്കാള്‍ 17 കോടി രൂപയുടെ കുറവാണ് ഇക്കുറി ഓണക്കാലത്ത് ബിവറേജസ് കോര്‍പ്പറേഷന്റെ വരുമാനത്തില്‍ ഉണ്ടായിരിക്കുന്നത്. 533 കോടി രൂപയുടെ മദ്യമാണ് കഴിഞ്ഞ വര്‍ഷം തിരുവോണത്തിനുള്‍പ്പെടെ ബിവറേജസ് കോര്‍പ്പറേഷന്‍ വിറ്റിരുന്നത്.
ആദ്യമായാണ് തിരുവോണ നാളില്‍ ബിവറേജസ് കോര്‍പ്പറേഷന്‍ അവധി പ്രഖ്യാപിക്കുന്നത്. പ്രളയത്തെത്തുടര്‍ന്ന് ആകെയുള്ള 270 ബിവറേജസ് ഔട്ട്‌ലെറ്റുകളില്‍ 60 എണ്ണം അടച്ചിട്ടിരുന്നു. പ്രളയത്തില്‍ അടച്ചിട്ട 60ല്‍ 15 ഔട്ട്‌ലെറ്റുകള്‍ ഇനിയും തുറക്കാനുണ്ടെന്നും കോര്‍പ്പറേഷന്‍ അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
