തൃശൂര് : ഗുരുവായൂര് കെഎസ്ആര്ടിസി ഡിപ്പോ അടച്ചു. ഡിപ്പോയിലെ കണ്ടക്ടര്ക്ക് കോവിഡ് സ്ഥിരീകരിച്ചതിനെ തുടര്ന്നാണ് ഡിപ്പോ അടച്ചത്. ഗുരുവായൂര്- കാഞ്ഞാണി റൂട്ടില് 25 ന് കെഎസ്ആര്ടിസി ബസില് യാത്ര ചെയ്തവരോട് നിരീക്ഷണത്തില് പോകാനും നിര്ദേശം നല്കിയിട്ടുണ്ട്.
മലപ്പുറം എടപ്പാള് സ്വദേശിയായ ഗുരുവായൂര് ഡിപ്പോയിലെ കണ്ടക്ടര്ക്കാണ് കോവിഡ് സ്ഥിരീകരിച്ചത്. ഇവിടെ നിന്നുള്ള ഏഴ് സര്വീസുകള് റദ്ദാക്കി. 25 ന് രാവിലെ എട്ടരയ്ക്കാണ് ഗുരുവായൂര്-കാഞ്ഞാണി വഴി തൂശൂരിലേക്ക് കെഎസ്ആര്ടിസി സര്വീസ് നടത്തിയത്. ഈ ബസിലെ കണ്ടക്ടര്ക്കാണ് രോഗബാധ കണ്ടെത്തിയത്.
ഈ ബസില് വിവിധ ഇടങ്ങളില് നിന്നായി 25 ഓളം പേര് കയറിയതായിട്ടാണ് പ്രാഥമിക വിലയിരുത്തല്. കൂടുതല് പേര് കണ്ടക്ടറുമായി സമ്പര്ക്കത്തിലേര്പ്പെട്ടിട്ടുണ്ടോ എന്നും ആരോഗ്യവകുപ്പ് അന്വേഷിച്ചുവരികയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
