കണ്ണൂര്: സിപിഎം നിയന്ത്രണത്തിലുള്ള ഐആര്പിസി എന്ന സാന്ത്വന പരിപാലന സംഘടന തങ്ങളുടെ ജില്ലാ കമ്മിറ്റി ഓഫീസ് കയ്യേറി എന്നാരോപിച്ച് സിഎംപി രംഗത്ത്. ഇത് സംബന്ധിച്ച് കലക്ടര്ക്കും എസ്പിക്കും സിഎംപി നേതാക്കള് പരാതി നല്കി.
സിഎംപി പിളര്ന്നതിന് പിന്നാലെ അവകാശ തര്ക്കം നിലനില്ക്കുന്ന പാര്ട്ടി ഓഫീസാണിത്. ഇപി കൃഷ്ണന് നമ്പ്യാര് സ്മാരക മന്ദിരം അരവിന്ദാക്ഷന് വിഭാഗം പിടിച്ചെടുത്തിരുന്നു. ഇതിനെതിരെ സിപി ജോണ് വിഭാഗം കോടതിയെ സമീപിച്ചു. ഇതിനിടെ അരവിന്ദാക്ഷന് വിഭാഗം സിപിഎമ്മില് ലയിച്ചു. ഇതിന് പിന്നാലെയാണ് സാന്ത്വന പരിപാലന സംഘടന കെട്ടിടം തങ്ങളുടെ ഓഫീസാക്കിയത്.
സംഘടനയുടെ ചെയര്മാനായ പി ജയരാജാനാണ് ഓഫീസിന്റെ ഉദ്ഘാടനം നിര്വഹിച്ചത്. ഓഫീസ് കൈവശപ്പെടുത്തിയത് സിപിഎമ്മിന്റെ ധിക്കാരപരമായ നടപടിയാണെന്നാണ് സിഎംപി സിപി ജോണ് വിഭാഗം ആരോപിക്കുന്നത്. എന്നാല് എംവിആര് ട്രസ്റ്റാണ് തങ്ങള്ക്ക് കെട്ടിടം വാടകയ്ക്ക് തന്നത് എന്നാണ് സിപിഎം നല്കുന്ന വിശദീകരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
