തിരുവനന്തപുരം: കനത്ത മഴയെ തുടര്‍ന്ന് അരുവിക്കര ഡാമില്‍ നിന്ന് കൂടുതല്‍ ജലം പുറത്തേക്ക് ഒഴുക്കും. ഡാമിലേക്കുള്ള നീരൊഴുക്ക് ശക്തമായതിനെ തുടര്‍ന്നാണ് ഇത്.
നിലവില്‍ 35 സെ മീ ആണ് ഡാമിന്റെ ഷട്ടര്‍ ഉയര്‍ത്തിയിരിക്കുന്നത്. എന്നാലത് 50 സെ മീ ആയി ഉയര്‍ത്തും. ഇതേ തുടര്‍ന്ന് കരമനയാറിന്റെ തീരത്തുള്ളവര്‍ ജാഗ്രത പാലിക്കണം എന്ന് അധികൃതര്‍ മുന്നറിയിപ്പ് നല്‍കുന്നു.
ഇത് മൂന്നാം വട്ടമാണ് ഡാമില്‍ നിന്ന് ഒഴുക്കി കളയുന്ന വെള്ളത്തിന്റെ അളവ് വര്‍ധിപ്പിക്കുന്നത്. സംസ്ഥാനത്ത് മഴ ശക്തമായി തുടരുകയും, ഡാമുകളിലെ ജലനിരപ്പ് ഉയരുകയും ചെയ്യുന്ന സാഹചര്യത്തില്‍ ജലസേചന വകുപ്പ് കണ്‍ട്രോള്‍ റൂം തുറന്നിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
