കല്‍പ്പറ്റയില്‍ അവധികഴിഞ്ഞ് ക്ലാസ് മുറി തുറന്നപ്പോള്‍ മൃതദേഹം

കല്‍പ്പറ്റ: ക്രിസ്മസ് അവധി കഴിഞ്ഞ് സ്‌കൂള്‍ തുറന്നപ്പോള്‍ ക്ലാസ് മുറിയില്‍ മൃതദേഹം. വയനാട് കല്‍പ്പറ്റ എസ്‌കെഎംജെ യുപി സ്‌കൂളിലാണ് സംഭവം. മരിച്ചയാളെ തിരിച്ചറിഞ്ഞിട്ടില്ല. ദിവസങ്ങളായി അടച്ചിട്ട ക്ലാസ് മുറി ഇന്ന് തുറന്നപ്പോഴാണ് തൂങ്ങിമരിച്ച നിലയില്‍ മൃതദേഹം കണ്ടത്. മൃതദേഹത്തിന് മൂന്ന് ദിവസത്തെ പഴക്കമുണ്ടെന്നാണ് പ്രാഥമിക നിഗമനം. ഇതേ തുടര്‍ന്ന് പൊലീസ് സ്ഥലത്തെത്തി പരിശോധന നടത്തി.