കോഴിക്കോട്: കോഴിക്കോട് വിമാനത്താവളത്തിൽ വൻ സ്വർണവേട്ട. വിമാനത്താവളംവഴി കടത്താൻ ശ്രമിച്ച 40 ലക്ഷം രൂപ വില വരുന്ന ഏകദേശം ഒരുകിലോ സ്വർണ മിശ്രിതം കസ്റ്റംസ് പിടികൂടി. സ്വർണം കടത്തിയ യുവാവിനെ അറസ്റ്റ് ചെയ്തു.
ദുബായിൽനിന്ന് തിങ്കളാഴ്ച രാത്രി 7.40-ന് എത്തിയ കുറ്റ്യാടി കാവിലുംപാറ സ്വദേശി നിഹാലിൽ(19) നിന്നാണ് സ്വർണമിശ്രിതം പിടികൂടിയത്. മിശ്രിതം കാപ്സ്യൂൾ രൂപത്തിലും പ്ലാസ്റ്റിക് കവറിലും പൊതിഞ്ഞ് ബെൽറ്റിൽ ഒളിപ്പിച്ച് അരയിൽ കെട്ടിയ നിലയിലായിരുന്നു.
കോഴിക്കോട് കസ്റ്റംസ് പ്രിവന്റീവ് ഡിവിഷൻ അസിസ്റ്റന്റ് കമ്മിഷണർ എൻ എസ് ദേവിന്റെ നിർദേശപ്രകാരം സൂപ്രണ്ട് പ്രവീൺ കുമാർ, ഇൻസ്പെക്ടർമാരായ മുഹമ്മദ് ഫൈസൽ, സന്തോഷ് ജോൺ, ഹെഡ് ഹവിൽദാർ സന്തോഷ് കുമാർ എന്നിവർ ചേർന്നാണ് സ്വർണം പിടികൂടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
