കൊച്ചി: കൊച്ചി മെട്രോയുടെ കോണ്ക്രീറ്റ് പാളി ഇളകിവീണ് അപകടമുണ്ടായ സംഭവത്തില് കാറുടമയ്ക്ക് നഷ്ടപരിഹാരം നല്കുമെന്ന് കെ എം ആര് എല്. നടി അര്ച്ചന കവിയും സംഘവും സഞ്ചരിച്ച കാറിലേക്കാണ് കോണ്ക്രീറ്റ് പാളി ഇളകിവീണത്. കൊച്ചി മുട്ടത്തുവച്ച് വ്യാഴാഴ്ചയാണ് സംഭവം.
ഇതേക്കുറിച്ച് വിശദമായ അന്വേഷണം നടത്തി റിപ്പോര്ട്ട് സമര്പ്പിക്കാന് മെട്രോ റെയില് എംഡി മുഹമ്മദ് ഹനീഷ് ഐഎഎസ് നിര്ദേശിച്ചു. ആലുവ മുതല് മഹാരാജാസ് വരേയുള്ള ഭാഗത്ത് വിശദമായ പഠനം നടത്താനാണ് നിർദ്ദേശം നൽകിയിട്ടുള്ളത്.
നടി സോഷ്യൽ മീഡിയയിൽ അപകടത്തെക്കുറിച്ച് വിവരിച്ച് പോസ്റ്റ് ഇട്ടതോടെയാണ് സംഭവം വാർത്തയായത്. ദൃശ്യങ്ങൾ സഹിതമായിരുന്നു അർച്ചനയുടെ പോസ്റ്റ്. കെഎംആര്എല് അധികൃതര് വ്യാഴാഴ്ച തന്നെ പരിശോധന നടത്തിയിരുന്നു. മെട്രോയുടെ വലിയ പാലത്തില് നിന്നും പാളികള് അടര്ന്നുവീണതായി അന്നുതന്നെ കണ്ടെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
