തിരുവനന്തപുരം: കിസാന് ക്രെഡിറ്റ് കാര്ഡില്ലാത്തവര് എടുത്ത കാര്ഷിക വായ്പയുടെ തിരിച്ചടവിന് ആഗസ്ത് 31 വരെ സമയം നല്കണമെന്ന് കേന്ദ്ര കൃഷിമന്ത്രി നരേന്ദ്രസിങ് ടൊമാറിനോട് ആവശ്യപ്പെട്ടതായി മുഖ്യമന്ത്രി പിണറായി വിജയന്. ലോക്ക്ഡൗണ് കണക്കിലെടുത്ത് കുറഞ്ഞ പലിശനിരക്കില് കാര്ഷിക വായ്പ തിരിച്ചടക്കുന്നതിന് ജൂണ് 30 വരെ സാവകാശം അനുവദിക്കണമെന്ന് മാര്ച്ചില് സംസ്ഥാനം ആവശ്യപ്പെട്ടിരുന്നു. അത് പരിഗണിച്ച് മെയ് 30 വരെ കാലാവധി നീട്ടി.
എന്നാല്, കിസാന് ക്രെഡിറ്റ് കാര്ഡ് ഇല്ലാത്തവര്ക്ക് ഈ ആനുകൂല്യം ലഭിക്കില്ല. സ്വര്ണം പണയംവെച്ചും മറ്റും കൃഷിവായ്പ എടുത്ത ധാരാളം പേര് ഇതുകാരണം കൂടിയ പലിശ നല്കേണ്ടിവരും. അതുകൊണ്ടാണ് കിസാന് ക്രെഡിറ്റ് കാര്ഡ് ഇല്ലാത്തവരുടെ വായ്പാ തിരിച്ചടവിന് ആഗസ്ത് 31 വരെ സമയം ആവശ്യപ്പെടുന്നതെന്നും മുഖ്യമന്ത്രി വാര്ത്താസമ്മേളനത്തില് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
