കുസാറ്റ് ഈ മാസം നടത്താൻ നിശ്ചയിച്ച പ്രവേശന പരീക്ഷകൾ റദ്ദാക്കി

കൊച്ചി:  കൊച്ചി ശാസ്ത്ര സാങ്കേതിക സര്‍വകലാശാല ഈ മാസം നടത്താനിരുന്ന പ്രവേശന പരീക്ഷ റദ്ദാക്കി. സർവകലാശാലയുടെ വിവിധ വകുപ്പുകളിലും കോളേജുകളിലും നടത്താനിരുന്ന പ്രവേശന പരീക്ഷ(സിഎടി) യാണ് റദ്ദാക്കിയത്.

ബിരുദ, ബിരുദാനന്തരബിരുദ കോഴ്‌സുകളിലേയ്ക്കുള്ള പ്രവേശനത്തിന് ജൂലൈ 27, 28 തീയതികളിൽ പൊതു പ്രവേശന പരീക്ഷകൾ നടത്തുമെന്നാണ് സർവകലാശാല അറിയിച്ചിരുന്നത്.  ഇതാണ് റദ്ദാക്കിയിരിക്കുന്നത്. 

തുടര്‍ നടപടികൾ പിന്നീട് അറിയിക്കുമെന്ന് അധികൃതർ വ്യക്തമാക്കി. വിവരങ്ങള്‍ക്ക് സര്‍വകലാശാലയുടെ അഡ്മിഷന്‍ വെബ്‌സൈറ്റ് admissions.cusat.ac.in സന്ദര്‍ശിക്കാവുന്നതാണ്.