ആലപ്പുഴ: കെആർ ഗൗരിയമ്മയുടെ 101ാം ജന്മദിനാഘോഷം ഇന്ന് നടക്കും. ഗവൺമെന്റ് ഗസ്റ്റ് ഹൗസിനു സമീപമുള്ള ശക്തി ഓഡിറ്റോറിയത്തിലാണ് ആഘോഷ പരിപാടികൾ. രാവിലെ 11ന് നടക്കുന്ന ആഘോഷം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. പ്രതിപക്ഷ നേതാവ് രമേശ് ചെന്നിത്തല അധ്യക്ഷത വഹിക്കും.
‘കെആർ ഗൗരിയമ്മ- ഒരു നേർക്കണ്ണാടി’ എന്ന ഡോക്യുമെന്ററി ഭരണ പരിഷ്കാര കമ്മീഷൻ അധ്യക്ഷൻ വിഎസ് അച്യുതാനന്ദൻ പ്രകാശനം ചെയ്യും. കെആർ ഗൗരിയമ്മ ഫൗണ്ടേഷൻ മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്യും. സ്പീക്കർ പി ശ്രീരാമകൃഷ്ണൻ പുസ്തക പ്രകാശനം നിർവഹിക്കും. മന്ത്രിമാരായ തോമസ് ഐസക്, ജി സുധാകരൻ, പി തിലോത്തമൻ എന്നിവരും വിവിധ രംഗങ്ങളിലെ പ്രമുഖരും ജന്മശതാബ്ദി സന്ദേശം നൽകും.
11.45ന് പിറന്നാൾ കേക്ക് മുറിക്കലും ആദരിക്കലും നടക്കും. 12നു പിറന്നാൾ സദ്യയും തുടർന്നു വയലാർ ഗാന തരംഗിണി സംഗീത പരിപാടിയും ആഘോഷങ്ങളുടെ ഭാഗമായി അരങ്ങേറും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
