കെഎം ഷാജി സെക്രട്ടേറിയറ്റിനെ അനാവശ്യ വിവാദത്തിലേക്ക് വലിച്ചിഴക്കുന്നു- സ്പീക്കർ

തിരുവനന്തപുരം: അയോ​ഗ്യതാ വിഷയത്തിൽ കെഎം ഷാജി നിയമസഭാ സെക്രട്ടേറിയറ്റിനെ അനാവശ്യ വിവാദത്തിലേക്ക് വലിച്ചിഴക്കുകയാണെന്ന് സ്പീക്കർ ശ്രീരാമകൃഷ്ണൻ. തെറ്റിദ്ധാരണയുടെ പുറത്താണ് ഷാജി സെക്രട്ടേറിയറ്റിനെ വിവാദത്തിലേക്ക് വലിച്ചിഴച്ചതെന്നും അ​ദ്ദേഹം വ്യക്തമാക്കി.  

അയോഗ്യതയിൽ ബുള്ളറ്റിൻ ഇറക്കുന്നതാണ് സ്വാഭാവിക നടപടിയാണ്. പ്രതിപക്ഷത്തിന്‍റെ അവകാശങ്ങൾ നിഷേധിച്ചിട്ടില്ലെന്നും സ്പീക്കർ മാധ്യമങ്ങളോട് പറഞ്ഞു. നേരത്തെ തമ്പാനൂർ രവി അയോഗ്യനായപ്പോഴും ബുള്ളറ്റിൻ ഇറക്കിയിരുന്നു. അന്ന് രാഷ്ട്രീയ പ്രേരിതമാണെന്ന വിമർശനം ഉയർന്നില്ല. തെറ്റിദ്ധാരണ ഉണ്ടാക്കുന്ന ഷാജിയുടെ പരാമർശങ്ങൾ ശരിയല്ല. ഗവർണറുടെ വിമർശനങ്ങളിൽ ശരിയുണ്ടെന്നും സ്പീക്കർ വ്യക്തമാക്കി.