കേരളത്തിന് 1276.91 കോടി രൂപ അനുവദിച്ച് കേന്ദ്രം; 14 സംസ്ഥാനങ്ങൾക്ക് ധനസഹായം 

ന്യൂഡൽഹി: കേരളത്തിന് 1276.91 കോടി രൂപ ധനസഹായം അനുവദിച്ച് ധനകാര്യ മന്ത്രാലയം. റവന്യു കമ്മി പരിഹരിക്കാനാണ് തുക അനുവദിച്ചിരിക്കുന്നത്. കേരളമടക്കം 14 സംസ്ഥാനങ്ങൾക്ക് ഈ മാസത്തെ ഗഡുവായി 6195.08 നൽകാൻ ധനമന്ത്രാലയം തീരുമാനിച്ചിട്ടുണ്ട്.

15-ാം ധനകാര്യ കമ്മീഷനാണ് ഓരോ സംസ്ഥാനത്തിന്റെയും നികുതി വിഹിതം കണക്കാക്കുന്നത്. 2020–21ലെ റവന്യു കമ്മി പരിഹരിക്കാൻ കേരളത്തിന് മൊത്തം 15,323 കോടി രൂപ നൽകണമെന്നാണു കമ്മിഷൻ കേന്ദ്ര സർക്കാരിനോടു ശുപാർശ ചെയ്തത്.