കേരളത്തിൽ ബലി പെരുന്നാൾ ആ​ഗസ്റ്റ് 12ന് 

തിരുവനന്തപുരം: കേരളത്തില്‍ ബലി പെരുന്നാള്‍ ആഗസ്റ്റ് 12ന്. ദുല്‍ഹജ്ജ് മാസപ്പിറവി കണ്ടതിന്റെ അടിസ്ഥാനത്തിലാണ് പ്രഖ്യാപനം.

ഖാസിമാരായ പാണക്കാട് ഹൈദരലി ശിഹാബ് തങ്ങള്‍, സമസ്ത പ്രസിഡന്റ് മുഹമ്മദ് ജിഫ്രി മുത്തുക്കോയ തങ്ങള്‍, സമസ്ത ജനറല്‍ സെക്രട്ടറി പ്രൊഫ. കെ ആലിക്കുട്ടി മുസ്‌ലിയാര്‍, കോഴിക്കോട് ഖാസിമാരായ മുഹമ്മദ് കോയ തങ്ങള്‍ ജമലുല്ലൈലി, പാണക്കാട് നാസര്‍ ഹയ്യ് ശിഹാബ് തങ്ങള്‍, പാളയം ഇമാം വി പി സുഹൈബ് മൗലവി എന്നിവരാണ് ഇക്കാര്യം അറിയിച്ചത്. നാളെ ദുല്‍ഹജ്ജ് ഒന്നായി പരിഗണിച്ചാണ് തീരുമാനം. ഡല്‍ഹിയിലും 12നാണ് പെരുന്നാള്‍.