കൊച്ചി : കോവിഡ് രോഗബാധിതരെ പാര്‍പ്പിക്കാനായി സര്‍ക്കാര്‍ ഏറ്റെടുത്ത കൊച്ചിയിലെ പിവിഎസ് ആശുപത്രിയില്‍ ഡിവൈഎഫ്‌ഐയുടെ നേതൃത്വത്തില്‍ ശുചീകരണം നടത്തി. ദീര്‍ഘകാലമായി അടഞ്ഞുകിടന്ന ആശുപത്രിയില്‍ ഡിവൈഎഫ്‌ഐ എറണാകുളം ജില്ലാ കമ്മിറ്റിയുടെ നേതൃത്വത്തിലാണ് ക്ലീനിങ് നടത്തിയത്. ശുചീകരണത്തിനായി നിരവധി പ്രവര്‍ത്തകര്‍ പങ്കെടുത്തു.
എട്ടുമാസക്കാലമായി പൂട്ടിക്കിടക്കുന്ന പിവിഎസ് ആശുപത്രി കഴിഞ്ഞ ദിവസമാണ് എറണാകുളം ജില്ലാ ഭരണകൂടം ഏറ്റെടുത്തത്. കോവിഡ് ബാധിതരെ പാര്‍പ്പിക്കാനുള്ള ഐസോലേഷന്‍ വാര്‍ഡുകള്‍ അടക്കം സജ്ജീകരിക്കുക ലക്ഷ്യമിട്ടാണ് ആശുപത്രി ജില്ലാഭരണകൂടം ഏറ്റെടുത്തത്.
200 ഓളം ഡിവൈഎഫ്‌ഐ പ്രവര്‍ത്തകരാണ് സുചീകരണ യജ്ഞത്തില്‍ പങ്കെടുത്തത്. 14 നിലകളുള്ള ആശുപത്രി ഏതാനും മണിക്കൂറുകള്‍ കൊണ്ട് ശുചീകരണം പൂര്‍ത്തിയാക്കിയതായി ഡിവൈഎഫ്‌ഐ സംസ്ഥാന കമ്മിറ്റി അംഗം സോളമന്‍ സിജു പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
