കൊല്ലത്ത് തോട്ടിൽ മരിച്ചനിലയിൽ കണ്ടെത്തിയ വീട്ടമ്മയ്ക്ക് കോവിഡ് , മകനും പൊലീസ് ഉദ്യോ​ഗസ്ഥരും നിരീക്ഷണത്തിൽ

കൊല്ലം: തോട്ടിൽ മരിച്ച നിലയിൽ കണ്ടെത്തിയ കുണ്ടറ സ്വദേശിനിയായ വീട്ടമ്മയുടെ കോവിഡ് പരിശോധനാ ഫലം പോസിറ്റീവ്. പരേതനായ വേണുഗോപാലിന്റെ ഭാര്യ ഗൗരിക്കുട്ടിയെ (75) ആണു മരിച്ച നിലയിൽ കണ്ടത്.

ഗൗരിക്കുട്ടിക്കു കോവിഡ് സ്ഥിരീകരിച്ചതോടെ ഇവരുടെ മകനെ നിരീക്ഷണത്തിലാക്കി. മൃതദേഹം ആശുപത്രിയിലെത്തിച്ച ആംബുലൻസ് ഡ്രൈവർ, സഹായി, ഇൻക്വസ്റ്റ് നടത്തിയ പൊലീസ് ഉദ്യോഗസ്ഥർ എന്നിവരും നിരീക്ഷണത്തിലാണ്.

ഇന്നലെ രാവിലെ 11:30യോടെ തൊട്ടിക്കര കാവിൽകടവ് ഭാഗത്ത് നാട്ടുകാരാണു മൃതദേഹം കണ്ടത്.