മലപ്പുറം: കോട്ടയ്ക്കല്‍ നഗരസഭാ കൗണ്‍സില്‍ യോഗത്തില്‍ സിപിഎം മുസ്‌ലിം ലീഗ് കൗണ്‍സിലര്‍മാര്‍ തമ്മില്‍ കയ്യാങ്കളി. അടിപിടിയില്‍ അഞ്ച് പേര്‍ക്ക് പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. പാലത്തറയിലെ അങ്കണവാടിയില്‍ ഇതര സംസ്ഥാന തൊഴിലാളികളെ താമസിപ്പിച്ച നടപടിയില്‍ വിശദീകരണം ആവശ്യപ്പെട്ട് സിപിഎം അംഗം കെവി അബ്ദുറഹിമാന് രംഗത്തെത്തിയതോടെയാണ് പ്രശ്‌നങ്ങള്‍ക്ക് തുടക്കമായത്.
നാല് സിപിഎം അംഗങ്ങള്‍ക്കും ഒരു ലീഗ് അംഗത്തിനുമാണ് പരുക്കേറ്റത്. അടിപിടിയില്‍ അബ്ദുറഹിമാന് ബോധക്ഷയമുണ്ടായി. അബ്ദുറഹിമാനു പുറമേ പിനന്ദകുമാര്‍, റംല കറുത്തേടത്ത്, കെ ഗിരിജ, ലീഗ് അംഗം പി കോയാപ്പു എന്നിവര്‍ക്കാണ് പരുക്കേറ്റത്. ഇവരെ ചങ്കുവെട്ടിയിലെ സ്വകാര്യ ആശുപത്രികളിലാണ് പ്രവേശിപ്പിച്ചിട്ടുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
