കോട്ടയത്തും ഇടുക്കിയിലും നിയന്ത്രണം കടുപ്പിച്ച് പൊലീസ്; ചുമതല എ ഡി ജി പി കെ പദ്മകുമാറിന്

തിരുവനന്തപുരം: കോവിഡ് ബാധയുടെ പശ്ചാത്തലത്തില്‍ റെഡ് സോണായി പ്രഖാപിച്ച കോട്ടയം, ഇടുക്കി ജില്ലകളിലെ പൊലീസ് ക്രമീകരണങ്ങള്‍ക്ക് മേല്‍നോട്ടം വഹിക്കാന്‍ കോസ്റ്റല്‍ സെക്യൂരിറ്റി വിഭാഗം എ ഡി ജി പി കെ പദ്മകുമാറിനെ നിയോഗിച്ചതായി സംസ്ഥാന പൊലീസ് മേധാവി ലോക്‌നാഥ് ബെഹ്‌റ അറിയിച്ചു. ഇടുക്കി ജില്ലയിലെ പ്രവര്‍ത്തനങ്ങള്‍ ഏകോപിപ്പിക്കുന്നതിന് ദക്ഷിണ മേഖല ഐ ജി ഹര്‍ഷിത അട്ടല്ലൂരിയെയും  നിയോഗിച്ചിട്ടുണ്ട്.

കെ എ പി അഞ്ചാം ബറ്റാലിയന്‍ കമാണ്ടന്റ് ആര്‍ വിശ്വനാഥിനെ കോട്ടയത്തും കെ എ പി ഒന്നാം ബറ്റാലിയന്‍ കമാണ്ടന്റ് വൈഭവ് സക്‌സേനയെ ഇടുക്കിയിലും സ്‌പെഷ്യല്‍ ഓഫീസര്‍മാരായി ഇന്നലെ നിയോഗിച്ചിരുന്നു.

നിലവില്‍ കോട്ടയം ജില്ലയില്‍ 17പേരും ഇടുക്കിയില്‍ 14പേരുമാണ് കോവിഡ് ബാധിച്ച് ചികിത്സയിലുള്ളത്. കോട്ടയത്ത് 727പേരും ഇടുക്കിയില്‍ 1385പേരുമാണ് നിരീക്ഷണത്തിലുള്ളത്.