കോഴിക്കോട്: നിപ്പാ വൈറസ് ബാധയുടെ പശ്ചാത്തലത്തില് കോഴിക്കോട്ടെ സര്ക്കാര് പൊതുപരിപാടികള് റദ്ദാക്കി. ഈ മാസം 31 വരെ പൊതുപരിപാടികള് ഒഴിവാക്കാന് ജില്ലാ കലക്ടര് നിര്ദേശം നല്കി.
യോഗങ്ങള്, ഉദ്ഘാടനങ്ങള് തുടങ്ങിയ പരിപാടികള് നടത്തുന്നത് ഒഴിവാക്കാനാണ് ജില്ലാ കലക്ടറുടെ നിര്ദേശം. ട്രെയിനിങ് ക്ലാസുകള്, ട്യൂഷന് എന്നിവ നടത്തുന്നതിനും ഈ മാസം 31 വരെ വിലക്ക് ഏര്പ്പെടുത്തിയിട്ടുണ്ട്. വൈറസ് ബാധയുടെ പശ്ചാത്തലത്തില് ആളുകള് കൂട്ടംകൂടുന്നതും അതുവഴി അറിയാതെങ്കിലും രോഗബാധയുള്ളവരുമായി സമ്പര്ക്കം വരുന്നതും ഒഴിവാക്കാനാണ് നടപടി.
നാലു ജില്ലകളിലെ സന്ദര്ശനം ഒഴിവാക്കണമെന്ന് ആരോഗ്യ സെക്രട്ടറി രജീവ് സദാനന്ദന് കഴിഞ്ഞ ദിവസം നിര്ദേശിച്ചിരുന്നു. കോഴിക്കോട്, മലപ്പുറം, വയനാട്, കണ്ണൂര് ജില്ലകളിലെ യാത്ര ഒഴിവാക്കാനാണ് നിര്ദേശം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
