തൃശൂര്‍: കോവിഡ് 19 പ്രതിരോധ പ്രവര്‍ത്തനങ്ങള്‍ക്ക് കല്യാണ്‍ ജ്വല്ലേഴ്സ് പത്തുകോടി രൂപ നല്‍കും. സംസ്ഥാന സര്‍ക്കാരിന്റെയും തദ്ദേശ സ്വയം ഭരണസ്ഥാപനങ്ങളുടെയും സഹകരണത്തോടെയാകും തുക വിനിയോഗിക്കുക. ദുര്‍ബലജന വിഭാഗങ്ങള്‍ക്ക് ഭക്ഷ്യവസ്തുക്കളും അവശ്യസാധനങ്ങളും ലഭ്യമാക്കുന്നതിന് മുന്‍ഗണന നല്‍കുമെന്നും കല്യാണ്‍ ജ്വല്ലേഴ്സ് ചെയര്‍മാനും മാനേജിംഗ് ഡയറക്ടറുമായ ടി എസ് കല്യാണരാമന്‍ പറഞ്ഞു.
കോവിഡ് 19 എന്ന മഹാമാരി ലോകമാകെ പടര്‍ന്നുപിടിക്കുകയാണ്. ഇതിനെ പ്രതിരോധിക്കാനായി കേന്ദ്ര-സംസ്ഥാന സര്‍ക്കാരുകള്‍ സാധ്യമായതെല്ലാം ചെയ്യുന്നു. ഈ പ്രതിസന്ധിയുടെ ആഴം ഞങ്ങളും തിരിച്ചറിയുന്നു. ഈ സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ക്കായി 10 കോടി രൂപ നല്‍കുമെന്ന് പട്ടാഭിരാമന്‍ പറഞ്ഞു.
സംസ്ഥാന, തദ്ദേശ സ്വയംഭരണസ്ഥാപനങ്ങളുടെയും സഹകരണത്തോടെയാണ് തുക ചെലഴിക്കുക. കോവിഡ്്് വ്യാപനത്തിന്റെ പശ്ചാത്തലത്തില്‍ സമൂഹത്തിലെ ദുര്‍ബലരായ ജനവിഭാഗങ്ങള്‍ക്ക്്് ഭക്ഷ്യവസ്തുക്കളും മറ്റ് അവശ്യസാധനങ്ങളും എത്തിക്കുന്നതിനാണ് പരിഗണനയെന്നും അദ്ദേഹം കൂട്ടിച്ചേര്‍ത്തു.
ലോക്ക്ഡൗണിനെ തുടര്‍ന്ന് കല്യാണ്‍ ജ്വല്ലേഴ്‌സിന്റെ സ്ഥാപനങ്ങള്‍ അടഞ്ഞുകിടക്കുന്നത് കാരണം ബിസിനസ് പ്രവര്‍ത്തനങ്ങള്‍ പ്രതിസന്ധിയിലായിരിക്കുകയാണ്. എന്നാലും ജീവനക്കാര്‍ക്കെല്ലാം മാര്‍ച്ച് ഏപ്രില്‍ മാസത്തെ ശമ്പളം മുഴുവന്‍ നല്‍കുമെന്ന് അദ്ദേഹം പറഞ്ഞു. 8000 ജീവനക്കാരാണ് കല്യാണിന് കീഴിലുള്ള സ്ഥാപനങ്ങളില്‍ ജോലി ചെയ്യുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
