തിരുവനന്തപുരം: മെഡിക്കല് കോളജില് കോവിഡ് രോഗിയെ പുഴുവരിച്ച സംഭവത്തില് നടപടി. സംഭവവുമായി ബന്ധപ്പെട്ട് മൂന്ന് പേരെ സസ്പെന്ഡ് ചെയ്തു. കോവിഡിന്റെ അടക്കം ചുമതലയുള്ള നോഡല് ഓഫീസര് ഡോ. അരുണ, ഹെഡ് നേഴ്സുമാരായ ലീന കുഞ്ചന്, രജനി കെവി എന്നിവര്ക്കെതിരെയാണ് നടപടി.
സംഭവവുമായി ബന്ധപ്പെട്ട് ബന്ധുക്കള് ആരോഗ്യ വകുപ്പിന് പരാതി നല്കിയിരുന്നു. ഇതേത്തുടര്ന്നാണ് ഇപ്പോള് നടപടി. നോഡല് ഓഫീസറടക്കമുള്ളവര്ക്ക് ഇക്കാര്യത്തില് വീഴ്ച സംഭവിച്ചതായാണ് കണ്ടെത്തല്.
വിഷയത്തില് മറ്റാര്ക്കെങ്കിലും വീഴ്ച സംഭവിച്ചിട്ടുണ്ടോ എന്നറിയാന് കൂടുതല് അന്വേഷണം നടത്താന് ഉത്തരവിട്ടിട്ടുണ്ട്. ഇത് സംബന്ധിച്ച് മെഡിക്കല് വിദ്യാഭ്യാസ ഡയറക്ടര്ക്കാണ് അന്വേഷണ ചുമതല. ഏഴ് ദിവസത്തിനകം റിപ്പോര്ട്ട് നല്കാനും നിര്ദ്ദേശമുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
