ക്രിസ്മസ് കാല ക്ഷേമ പെൻഷൻ വിതരണം ഇന്നുമുതൽ; ​ഗുണഭോക്താക്കളാവുന്നത് 45 ലക്ഷംപേർ

തിരുവനന്തപുരം: സംസ്ഥാനത്തെ 45 ലക്ഷത്തോളം വരുന്ന ജനങ്ങൾക്കുള്ള  സാ​മൂ​ഹി​ക​ക്ഷേ​മ-​ക്ഷേ​മ​നി​ധി പെ​ൻ​ഷ​ൻ വി​ത​ര​ണം ഇന്നു മുതൽ. ക്രിസ്മസിന് ആഘോഷങ്ങളുള്ളത് കണക്കിലെടുത്താണ് പെൻഷൻ വിതരണം നേരത്തേയാക്കിയത്.

23 ലക്ഷത്തോളം പേർക്ക് ബാങ്ക് അക്കൗണ്ടുകളിലും 20 ലക്ഷം പേർക്ക് വീടുകളിലേക്കുമാണ് തുക എത്തുന്നതെന്ന് ധനമന്ത്രി തോമസ് ഐസക് അറിയിച്ചു. 

പുതിയതായി പെൻഷന് അപേക്ഷിച്ച മൂന്നേകാൽ ലക്ഷം പേർക്കും ഇക്കുറി ആനുകൂല്യം ലഭിക്കും.  ആ​ഗ​സ്​​റ്റ്​ മു​ത​ൽ ന​വം​ബ​ർ വ​രെ​യു​ള്ള പെ​ന്‍ഷ​നാ​ണ് ന​ൽ​കു​ന്നത്. സാ​മൂ​ഹി​ക സു​ര​ക്ഷാ പെ​ൻ​ഷ​ൻ ഇ​ന​ത്തി​ൽ 1893 കോ​ടി​യും ക്ഷേ​മ​ബോ​ർ​ഡു​ക​ൾ​ക്കു​ള്ള 253 കോ​ടി​യും അ​ട​ക്കം 2146 കോ​ടി രൂ​പയാണ് അനുവദിച്ചിരിക്കുന്നത്.