ക്വാറന്റീൻ കാലാവധി ഏഴു ദിവസമാക്കും, എട്ടാം ദിവസം ആന്റിജൻ ടെസ്റ്റ്; പരി​ഗണയിൽ

തിരുവനന്തപുരം; ലോക്ക്ഡൗൺ ഇളവുകൾ തുടരുന്ന സാഹചര്യത്തിൽ ക്വാറന്റീൻ കാലാവധിയും കുറയ്ക്കാൻ ആലോചന. ഇതര സംസ്ഥാനങ്ങളിൽ നിന്നും വിദേശത്തുനിന്നും വരുന്നവരുടെ ക്വാറന്റീൻ കാലാവധി ഏഴു ദിവസമാക്കി കുറയ്ക്കാനാണ് ഒരുങ്ങുന്നത്. എട്ടാം ദിവസം ആന്റിജൻ ടെസ്റ്റ് നടത്തി നെ​ഗറ്റീവാണെങ്കിൽ പുറത്തുപോകാമെന്ന വ്യവസ്ഥയാണ് പരി​ഗണനയിലുള്ളത്.

ചൊവ്വാഴ്ച ചേരുന്ന ഉന്നതതല യോ​ഗത്തിൽ ഇതുസംബന്ധിച്ച് അന്തിമ തീരുമാനമുണ്ടാകും. പുറത്തുനിന്നു വരുന്നവർക്ക് നിലവിൽ 14 ദിവസമാണ് ക്വാറന്റീൻ പറഞ്ഞിരിക്കുന്നത്. ഹ്രസ്വ കാല സന്ദർശനത്തിന് കേരളത്തിലേക്ക് എത്തുന്നവരെ ക്വാറന്റീനിൽ നിന്ന് നേരത്തെ ഒഴിവാക്കിയിട്ടുണ്ട്.