തിരുവനന്തപുരം : ആലപ്പാട്ടെ കരിമണല്‍ ഖനനം പൂര്‍ണമായി നിര്‍ത്താന്‍ കഴിയില്ലെന്ന് വ്യവസായമന്ത്രി ഇ പി ജയരാജന്‍. ഇക്കാര്യം സമരക്കാരോട് വിശദമാക്കിയതാണ്. എന്നിട്ടും സമരം തുടരുന്നത് ദൗര്‍ഭാഗ്യകരമാണ്. താനും സ്ഥലം എംഎല്‍എയും വീണ്ടും ആലപ്പാട് സന്ദര്‍ശിക്കുമെന്നും മന്ത്രി പറഞ്ഞു.
പ്രദേശത്തെ എല്ലാ കാര്യങ്ങളും പരിശോധിച്ചതാണ്. വിഷയത്തില്‍ സര്‍ക്കാരിന് എടുക്കാന്‍ കഴിയുന്ന എല്ലാ കാര്യവും സര്‍ക്കാര്‍ സ്വീകരിച്ചിട്ടുണ്ട്. എന്നിട്ടും സമരം തുടരുന്നത് എന്തിന് വേണ്ടിയാണെന്ന് മനസ്സിലാകുന്നില്ല. രണ്ട് സ്ഥാപനങ്ങള്‍ അടച്ചുപൂട്ടണമെന്ന് പറയുന്നത് ദൗര്‍ഭാഗ്യകരമാണ്.
സമരക്കാര്‍ പ്രദേശത്തിന് പുറത്തുനിന്നുള്ളവരാണെന്ന കാര്യം സ്ഥലം സന്ദര്‍ശിച്ചാല്‍ മനസ്സിലാകുമെന്നും മന്ത്രി ജയരാജന്‍ പറഞ്ഞു. ആലപ്പാട് സന്ദര്‍ശിക്കുന്ന തീയതി ഉടന്‍ അറിയിക്കുമെന്നും മന്ത്രി പറഞ്ഞു. ആലപ്പാട്ടെ കരിമണല്‍ ഖനന വിഷയത്തില്‍ വ്യവസായ മന്ത്രി ഇന്നലെ സമരസമിതിയുമായി ചര്‍ച്ച നടത്തിയിരുന്നെങ്കിലും പരാജയപ്പെടുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
