ഗൂഢാലോചന നടത്തിയത് ബിന്ദുവും തൃപ്തി ദേശായിയുമെന്ന് രാഹുല്‍ ഈശ്വര്‍

കൊച്ചി: ശബരിമല പ്രവേശനത്തിന് എത്തിയതിന് പിന്നില്‍ തൃപ്തി ദേശായിയും ബിന്ദു അമ്മിണിയും നടത്തിയ ഗൂഢാലോചനയെന്ന് രാഹുല്‍ ഈശ്വര്‍. ഇവര്‍ രണ്ടുപേരും അരാജകവാദികളാണ്. ഇവരുടെ വരവില്‍ ഗൂഢാലോചനയുണ്ടെന്ന ദേവസ്വം മന്ത്രി കടകംപള്ളി സുരേന്ദ്രന്റെത് രാഷ്ട്രീയരോപണം മാത്രമാണെന്നും രാഹുല്‍ പറഞ്ഞു.

ബിന്ദു അമ്മിണി ഒരു വലതുപക്ഷ രാഷ്ട്രീയക്കാരിയല്ല. അവര്‍ നക്‌സല്‍ സ്വഭാവമുള്ള സംഘടനയില്‍ പ്രവര്‍ത്തിച്ചവരാണെന്ന് സുപ്രീം കോടതിയില്‍ തന്നെ വ്യക്തമാക്കിയിട്ടുണ്ട്. ഇപ്പോള്‍ ശബരിമല ദര്‍ശനത്തിന് എത്തിയതിന് പിന്നില്‍ ഇരുവരും തമ്മിലുളള ഗൂഢാലോചനയാവാമെന്നും രാഹുല്‍ പറഞ്ഞു. ഇതിന്റെ പേരില്‍ ബിന്ദു അമ്മിണിയെ കുരുമുളക് 

സ്േ്രപ പ്രയോഗം നടത്തിയത് അംഗീകരിക്കാനാവില്ല. ഇത്തരം ആക്രമണങ്ങള്‍  സുപ്രീം കോടതിയില്‍ ദോഷകരമാകാനെ വഴിവെക്കുകയുള്ളുവെന്ന് രാഹുല്‍ പറഞ്ഞു.

തൃപ്തി ദേശായിയും ബിന്ദു അമ്മിണിയുമടക്കം ഏഴംഗസംഘമാണ് ശബരിമലദര്‍ശനത്തിനായി ഇന്ന് രാവിലെ എത്തിയത്. തൃപ്തിയുടെ സംഘത്തില്‍ അഞ്ച്  മഹാരാഷ്ട്ര സ്വദേശിനികളും ഒരു ഉത്തര്‍പ്രദേശുകാരിയുമാണ് ഉണ്ടായിരുന്നത്.

അതേസമയം ശബരിമലപ്രവേശനത്തിനായെത്തിയ തങ്ങളുടെ തീരുമാനത്തില്‍ യാതൊരു ഗൂഢാലോചനയുമില്ലെന്നും സര്‍ക്കാര്‍ സംരക്ഷണം നല്‍കിയില്ലെങ്കില്‍ സുപ്രീം കോടതിയില്‍ കോടതി അലക്ഷ്യം ഫയല്‍ ചെയ്യുമെന്നും ബിന്ദു അമ്മിണി പറഞ്ഞു.

'ശബരിമലയ്ക്ക് പോകാനായി പുറപ്പെട്ടതില്‍ യാതൊരു വിധ ഗൂഢാലോചനയുമില്ല. ശബരിമലയ്ക്ക് പുറപ്പെടുന്നവര്‍ക്ക് എല്ലാ പിന്തുണയും നല്‍കുമെന്ന് ഞാന്‍ നേരത്തെ പ്രഖ്യാപിച്ചതാണ്. ആ തരത്തില്‍ തൃപ്തി ദേശായി എന്നോട് സഹായം ആവശ്യപ്പെട്ടു. ഞാന്‍ അവരുടെ കൂടെ വന്നു', ബിന്ദു അമ്മിണി പറഞ്ഞു.