ചാർട്ടേഡ് അക്കൗണ്ടന്റുമാർക്ക് ബുധനാഴ്ച ഓഫിസ് തുറക്കാം; പ്രിന്റിങ് പ്രസുകൾ വെള്ളിയാഴ്ച പ്രവർത്തിപ്പിക്കാം 

തിരുവനന്തപുരം: ചാർട്ടേഡ് അക്കൗണ്ടന്റുമാർക്കും ടാക്സ് പ്രാക്ടീഷണർമാർക്കും ബുധനാഴ്ച  ഓഫിസ് പ്രവർത്തിപ്പിക്കുന്നതിന് സംസ്ഥാന സർക്കാർ ഉത്തരവിറക്കി. തയാറാക്കി വച്ചിരിക്കുന്ന റിട്ടേണുകൾ ഫയൽ ചെയ്യുന്നതിനായി ഈ അവസരം പ്രയോജനപ്പെടുത്താം. രാവിലെ 10 മുതൽ അഞ്ചുവരെയാണ് ഓഫീസ് തുറക്കാൻ അനുവാദം നൽകിയിരിക്കുന്നത്. 

വെള്ളിയാഴ്ച  പ്രിന്റിങ് പ്രസുകൾക്കും പ്രവർത്തിക്കാൻ അനുമതി നൽകിയിട്ടുണ്ട്. വിദേശത്തുനിന്നു ഇറക്കുമതി ചെയ്ത യന്ത്രങ്ങൾ ദീർഘകാലം പ്രവർത്തിപ്പിക്കാതിരുന്നാൽ കേടുപാടുകൾ സംഭവിക്കാൻ സാധ്യതയുള്ളതിനാലാണ് ഇത്. രാവിലെ 10 മുതൽ അഞ്ച് വരെയാണ് സമയം. ‘ബ്രേക്ക് ദ ചെയിൻ’  മാർഗനിർദേശങ്ങൾ കർശനമായി പാലിച്ചുവേണം ഓഫിസുകളും സ്ഥാപനങ്ങളും പ്രവർത്തിപ്പിക്കാനെന്ന് ഉത്തരവിൽ പറയുന്നു.