ജഗതിയുടെ വിജയാശംസ; 'മൗനത്തിന് ശബ്ദത്തേക്കാള്‍ കരുത്തു'ണ്ടെന്ന് സമ്പത്ത്

തിരുവനന്തപുരം: ആറ്റിങ്ങല്‍ മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി എല്‍ഡിഎഫ് സ്ഥാനാര്‍ത്ഥി  എ സമ്പത്ത് നടന്‍ ജഗതി ശ്രീകുമാറിനെ സന്ദര്‍ശിച്ചു. പാര്‍ട്ടി പ്രവര്‍ത്തകര്‍ക്കും കുടുംബാംഗങ്ങള്‍ക്കൊപ്പമാണ് ജഗതിയുടെ പേയാട്ടെ വീ്ട്ടിലെത്തിയത്.

വീട്ടിലെത്തിയ സമ്പത്ത് അല്‍പസമയം ജഗതിയുമായി സംസാരിച്ചു. ഇതിന് പിന്നാലെ ജഗതി സമ്പത്തിന് വിജയശാംസ നേര്‍ന്നു. ചില സമയത്ത് മൗനത്തിന് ശബ്ദത്തേക്കാള്‍ കരുത്തുണ്ട്. ജഗതി എത്രയും പെട്ടന്ന് തിരിച്ചെത്തണമെന്നാണ് എല്ലാവരും ആഗ്രഹിക്കുന്നതെന്ന് സന്ദര്‍ശനത്തിന് പിന്നാലെ സമ്പത്ത് മാധ്യമങ്ങളോട് പറഞ്ഞു.

മണ്ഡലത്തിലെ സാമൂഹ്യ- സാംസ്‌കാരികമണ്ഡലങ്ങളിലെ പ്രമുഖരെ കണ്ട് വോട്ടുറപ്പിക്കുന്നതിന്റെ ഭാഗമായാണ് സമ്പത്ത് ജഗതിയുടെ വീട്ടിലെത്തിയത്. ആറ്റിങ്ങലില്‍ നാലാവട്ടം ജനവിധി തേടുന്ന സമ്പത്ത് ഇതിനകം ആദ്യറൗണ്ട് പ്രചാരണം പൂര്‍ത്തിയാക്കി.