ചന്ദ്രബോസ് വധക്കേസില്‍ ശിക്ഷിക്കപ്പെട്ട ജയിലില്‍ കഴിയുന്ന പ്രതി മുഹമ്മദ് നിസാം തന്റെ സ്ഥാപനത്തിലെ ജീവനക്കാരെ വിളിച്ച് ഭീഷണിപ്പെടുത്തുന്നതായതായും അസഭ്യം പറയുന്നതായും പരാതി. ജയിലില്‍ നിന്നും തന്റെ സ്ഥാപനത്തിലെ മാനേജറെ ഫോണില്‍ വിളിച്ച് നിസാം ബിസിനസ് ഇടപാടുകള്‍ സംബന്ധിച്ച് ഭീഷണിപ്പെടുത്തുന്നതായാണ് പരാതി.
കിങ്‌സ് സ്‌പേസ് ബില്‍ഡേഴ്‌സ് ആന്‍ഡ് ഡവലപ്പേഴ്‌സ് എന്ന നിസാമിന്റെ സ്ഥാപനത്തിലെ മാനേജര്‍ ചന്ദ്രശേഖറാണ് തൃശൂര്‍ സിറ്റി പൊലീസ് കമ്മിഷണര്‍ക്ക് പരാതി നല്‍കി. ജയിലില്‍ നിന്നും ഉയരുന്ന നിസാമിന്റെ ഭീഷണിയെ കുറിച്ച് ഗുരുവായൂര്‍ അസിസ്റ്റന്‍ഡ് കമ്മിഷണര്‍ അന്വേഷിക്കും. കണ്ണൂര്‍ സെന്‍ട്രല്‍ ജയിലിലെ ലാന്‍ഡ് ഫോണില്‍ നിന്നും നിസാം വിളിച്ച കോളിന്റെ ശബ്ദരേഖ ഉള്‍പ്പെടെയാണ് പരാതി നല്‍കിയിരിക്കുന്നത്.
കഴിഞ്ഞ രണ്ട് വര്‍ഷത്തിനിടെ 20 തവണ നിസാമിനെ ജയിലില്‍ പോയി കണ്ടിരുന്നു. അപ്പോഴൊക്കെ മോശമായ രീതിയിലായിരുന്നു നിസാമിന്റെ പെരുമാറ്റം. ജയിലിലാണെങ്കിലും നിസാം അപകടകാരിയാണെന്നും, തന്റേയും കുടുംബത്തിന്റേയും ജീവന് ഭീഷണിയുണ്ടെന്നും പരാതിയില്‍ മാനേജര്‍ പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
