ജിഷ്ണുവിന്റെ കുടുംബത്തോടുള്ള കരുതല്‍ എന്നുമുണ്ടാകും; പിണറായി വിജയന്‍

മലപ്പുറം: ജിഷ്ണുവിന്റ കുടുംബത്തിന് സാധ്യമായതെല്ലാം സര്‍ക്കാര്‍ ചെയ്തിട്ടുണ്ടെന്ന് മുഖ്യമന്ത്രി പിണറായി വിജയന്‍. മകന്‍ നഷ്ടമായ അമ്മയോടുള്ള കരുതല്‍ സര്‍ക്കാരിന്റെ ഭാഗത്തുനിന്ന് ഇനിയുമുണ്ടാകുമെന്ന് പിണറായി പറഞ്ഞു. ജിഷ്ണുവിന്റെ അമ്മയെ പൊലീസ് വലിച്ചിഴിച്ചിട്ടില്ലെന്നും ഇത് സംബന്ധിച്ച് തെറ്റായ വാര്‍ത്തകളാണ് പ്രചരിപ്പിക്കുന്നത്. ഏത് ദൃശ്യമാധ്യമത്തിലാണ് അമ്മയെ പൊലീസ് വലിച്ചിഴക്കുന്നതായി കാണിക്കാനായിട്ടുള്ളത്. ഇക്കാര്യത്തില്‍ ദൃശ്യമാധ്യമങ്ങള്‍ ഒരു ഉപകാരം ചെയ്തു. ആ ദൃശ്യങ്ങള്‍ ശരിയായി കാണിച്ചെന്നും പിണറായി പറഞ്ഞു. ഇതാണ് പലരും വലിച്ചിഴക്കലായി കാണിച്ചത്. 

ഡിജിപിയെ അവര്‍ക്ക് കാണാന്‍ കഴിയാത്താത് കൊണ്ട് ഡിജിപി അവരെ ആശുപത്രിയില്‍ ചെന്നു കണ്ടു. അപ്പോള്‍ രണ്ട് കാര്യങ്ങള്‍ പറയാനുണ്ടെന്ന് ആസ സഹോദരി പറഞ്ഞെന്നും നിങ്ങള്‍ക്ക് എപ്പോള്‍ വേണമെങ്കിലും ഡിജിപി ആസ്ഥാനത്ത് എത്താമെന്ന് ഡിജിപി മറുപടി പറഞ്ഞെന്നും മുഖ്യമന്ത്രി പറഞ്ഞു. ആ ആമ്മയുടെ വേദന എല്ലാവര്‍ക്കും മനസിലാകും. ഒരിക്കല്‍ പോലും സര്‍ക്കാരിനെകുറ്റപ്പെടുത്തിയിട്ടില്ലെന്നും ജിഷ്ണുവിന്റെ കുടുംബത്തിന് നീതി ലഭ്യമാക്കുന്ന പ്രവര്‍ത്തനങ്ങളാണ് സര്‍ക്കാര്‍ ചെയ്തതെന്നും മുഖ്യമന്ത്രി വ്യക്തമാക്കി.