കൊച്ചി: സംസ്ഥാനത്തെ മഴക്കെടുതി കണക്കിലെടുത്ത് കേരളത്തിലേക്കുള്ള സര്‍വ്വീസുകളില്‍ എയര്‍ ഇന്ത്യ ഇളവുകള്‍ പ്രഖ്യാപിച്ചു. ഈ മാസം 26 വരെ കേരളത്തില്‍ നിന്നുള്ള യാത്രക്കാര്‍ക്ക് എക്‌സ്പ്രസ് ടിക്കറ്റുകള്‍ റദ്ദാക്കുകയോ, യാത്രാ തിയതികളില്‍ മാറ്റം വരുത്തുകയോ സൗജന്യമായി ചെയ്യാമെന്ന് എയര്‍ ഇന്ത്യ വ്യക്തമാക്കി.
തിരുവനന്തപുരം, കൊച്ചി , കോഴിക്കോട് വിമാനത്താവളങ്ങളില്‍ നിന്ന് പുറപ്പെടാനിരുന്നവര്‍ക്കും എത്തിച്ചേരാനുള്ളവര്‍ക്കും ഈ സൗകര്യം പ്രയോജനപ്പെടുത്താന്‍ കഴിയും.
യാത്രകള്‍ റദ്ദാക്കുന്നവര്‍ക്ക് മുഴുവന്‍ തുകയും റീഫണ്ട് നല്‍കും. ഗള്‍ഫില്‍ നിന്ന് കേരളത്തിലേക്ക് വരാനിരിക്കുന്നവര്‍ക്കും ഈ ഇളവുകള്‍ ലഭിക്കും. കൊച്ചിയില്‍ നിന്ന് മാത്രം 92 സര്‍വീസുകള്‍ എയര്‍ ഇന്ത്യ എക്‌സ്പ്രസ് ദുബൈയിലേക്ക് നടത്തുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
