ആലപ്പുഴ : കുട്ടനാട് നിയമസഭ ഉപതെരഞ്ഞെടുപ്പില്‍ മുന്‍ ഡിജിപി ടി പി സെന്‍കുമാര്‍ ബിഡിജെഎസ് സുഭാഷ് വാസു വിഭാഗം സ്ഥാനാര്‍ത്ഥിയായി മത്സരിക്കും. എന്‍ഡിഎയ്‌ക്കൊപ്പമാണെന്നും സുഭാഷ് വാസു പറഞ്ഞു. കുട്ടനാട് സീറ്റ് നിലവില്‍ ബിജെപി സഖ്യകക്ഷിയായ ബിഡിജെഎസിന് അനുവദിച്ചിട്ടുള്ളതാണ്.
ബിഡിജെഎസ് അധ്യക്ഷന്‍ തുഷാര്‍ വെള്ളാപ്പള്ളിക്കെതിരെ ഗുരുതര ആരോപണവുമായി സെന്‍കുമാറും സുഭാഷ് വാസും രംഗത്തെത്തിയിരുന്നു. തുടര്‍ന്ന് തുഷാര്‍ സെന്‍കുമാറിനും സുഭാഷിനുമെതിരെ ആഞ്ഞടിച്ച് രംഗത്തുവന്നു. സെന്‍കുമാറിന് ഡിജിപി പദവി ലഭിച്ചത് എസ്എന്‍ഡിപിയുടെ ക്രെഡിറ്റിലാണെന്ന കാര്യം മറക്കരുതെന്നും തുഷാര്‍ പറഞ്ഞു. തര്‍ക്കങ്ങള്‍ക്ക് പിന്നാലെ സുഭാഷ് വാസുവിനെ ബിഡിജെഎസില്‍ നിന്നും തുഷാര്‍ പുറത്താക്കുകയും ചെയ്തിരുന്നു.
കഴിഞ്ഞ നിയമസഭ തെരഞ്ഞെടുപ്പില്‍ ബിഡിജെഎസിന് വേണ്ടി മല്‍സരിച്ചത് സുഭാഷ് വാസുവാണ്. സുഭാഷ് വാസുവിന് 33,000 ലേറെ വോട്ടുകള്‍ ലഭിച്ചിരുന്നു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
