കോഴിക്കോട: ഡെപ്യൂട്ടി തഹസില്‍ദാറെ കൊലപ്പെടുത്താന്‍ മണല്‍ മാഫിയ ശ്രമം. കൊയിലാണ്ടി ഡെപ്യൂട്ടി തഹസില്‍ദാര്‍ ശശിധരനെയാണ് മണല്‍ മാഫിയ സംഘം ലോറി ഇടിപ്പിച്ച് അപകടപ്പെടുത്താന്‍ ശ്രമിച്ചത്. ആവളയിലാണ് റവന്യു സംഘത്തിന്റെ വാഹനം മണല്‍ മാഫിയ ഇടിച്ച് തെറിപ്പിച്ചത്.
മണല്‍ കടത്ത് തടയാന്‍ രാവിലെ അഞ്ചരയോടെ എത്തിയ ശശിധരന്‍ ഉള്‍പ്പെടെയുള്ള സംഘത്തിന് നേരെയായിരുന്നു മാഫിയയുടെ ആക്രമണം. പ്രദേശത്ത് വലിയ തോത്തില്‍ മണല്‍ക്കടത്ത് നടക്കുന്നുവെന്ന പരാതിയുടെ അടിസ്ഥാനത്തില്‍ പരിശോധന നടത്താന്‍ എത്തിയതായിരുന്നു റവന്യു സംഘം. മണല്‍ കടത്താന്‍ ഉപയോഗിച്ച ലോറി ജീപ്പുപയോഗിച്ച് തടയാന്‍ ശ്രമിച്ചപ്പോഴാണ് അമിതവാഹനത്തിലെത്തിയ ലോറി ജീപ്പിനെ ഇടിച്ച് തെറിപ്പിച്ചത്.
അപകടത്തില്‍ സാരമായി പരിക്കേറ്റ ഡെപ്യൂട്ടി തഹസില്‍ദാറിനെ ആശുപത്രിയില്‍ പ്രവേശിപ്പിച്ചു. സംഭവത്തില്‍ പൊലീസ് കേസെടുത്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
