തിരുവനന്തപുരത്ത് മാത്രം 170 സമ്പര്‍ക്കരോഗികള്‍, കൊല്ലത്ത് 71, ആകെ 519; 24 പേരുടെ ഉറവിടം വ്യക്തമല്ല 

തിരുവനന്തപുരം: സംസ്ഥാനത്ത് സമ്പര്‍ക്ക രോഗികളുടെ എണ്ണം വര്‍ധിക്കുന്നതിലുളള ആശങ്ക തുടരുന്നു. ഇന്ന് 519 പേര്‍ക്കാണ് സമ്പര്‍ക്കത്തിലൂടെ രോഗബാധ ഉണ്ടായത്. അതില്‍ 24 പേരുടെ സമ്പര്‍ക്ക ഉറവിടം വ്യക്തമല്ല. 

കോവിഡ് വ്യാപനം രൂക്ഷമായി നേരിടുന്ന തിരുവനന്തപുരം ജില്ലയിലാണ് ഏറ്റവുമധികം പേര്‍ക്ക് സമ്പര്‍ക്കത്തിലൂടെ രോഗബാധ ഉണ്ടായത്. 170 പേര്‍ക്കാണ് വൈറസ് ബാധ സ്ഥിരീകരിച്ചത്. കൊല്ലം 71, എറണാകുളം 59, കോഴിക്കോട് 44, കോട്ടയം 38, പാലക്കാട് 29, ആലപ്പുഴ 24, തൃശൂര്‍ 22, കണ്ണൂര്‍ 15, ഇടുക്കി 14, മലപ്പുറം 13, കാസര്‍കോട് 11, വയനാട് 7, പത്തനംതിട്ട 2 എന്നിങ്ങനെയാണ് മറ്റു ജില്ലകളില്‍ ഇന്ന് സമ്പര്‍ക്കത്തിലൂടെ രോഗം ബാധിച്ചവരുടെ കണക്കുകള്‍. 

സംസ്ഥാനത്ത് ഇന്ന് 794 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ തിരുവനന്തപുരം ജില്ലയില്‍ നിന്നുമാത്രം 182 പേര്‍ക്കാണ് രോഗബാധ ഉണ്ടായത്. ഇന്ന് രോഗം സ്ഥിരീകരിച്ചവരില്‍ 148 പേര്‍ വിദേശത്ത് നിന്നും 105 പേര്‍ മറ്റ് സംസ്ഥാനങ്ങളില്‍ നിന്നും വന്നവരാണ്. ഇന്ന് 245 പേരുടെ പരിശോധനാ ഫലമാണ് നെഗറ്റീവായത്.