തിരുവനന്തപുരം : മുഖ്യമന്ത്രിയുടെ പ്രൈവറ്റ് സെക്രട്ടറിയായി മുന്‍ ഇന്‍കംടാക്‌സ് കമ്മീഷണറായ ആര്‍ മോഹനനെ നിയമിച്ചു. എം വി ജയരാജൻ രാജിവെച്ച ഒഴിവിലാണ് നിയമനം. മുന്‍ ചീഫ് സെക്രട്ടറിയും മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയുമായിരുന്ന നളിനി നെറ്റോയുടെ സഹോദരനാണ്. ഇന്നലെയാണ് നളിനി നെറ്റോ മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി പദം രാജിവെച്ചത്.
പൊളിറ്റിക്കല്‍ സെക്രട്ടറി അടക്കമുള്ള മുഖ്യമന്ത്രിയുടെ ഓഫീസിലെ ഉന്നതരുമായുള്ള ശീതയുദ്ധമാണ് നളിനി നെറ്റോയുടെ രാജിക്ക് കാരണമെന്നായിരുന്നു റിപ്പോര്‍ട്ട്. നേരത്തെ തര്‍ക്കം ഉണ്ടായിന്നപ്പോള്‍ പ്രസ്‌നപരിഹാരത്തിന് ഇടപെട്ടിരുന്ന എംവി ജയരാജന്‍ സിപിഎം കണ്ണൂര്‍ ജില്ലാ സെക്രട്ടറിയായി പോയതും പെട്ടെന്നുള്ള രാജിക്ക് കാരണമായതായി റിപ്പോര്‍ട്ടുകളുണ്ടായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
