കോഴിക്കോട്: സംസ്ഥാനത്ത് നാലുജില്ലകളില് യെല്ലോ അലര്ട്ട്. പാലക്കാട്,മലപ്പുറം,കോഴിക്കോട്,വയനാട് ജില്ലകളിലാണ് തിങ്കളാഴ്ച ഒറ്റപ്പെട്ട കനത്തമഴയ്ക്ക് സാധ്യതയുള്ളതായി കേന്ദ്രകാലാവസ്ഥവകുപ്പ് മുന്നറിയിപ്പ് നല്കിയിരിക്കുന്നത്.
കേരള, ലക്ഷദ്വീപ് തീരങ്ങളില് കാലാവസ്ഥ പ്രക്ഷുബ്ധമാകാന് സാധ്യതയുള്ളതിനാല് സംസ്ഥാന ദുരന്ത നിവാരണ അതോറിറ്റി മത്സ്യത്തൊഴിലാളികള്ക്ക് ജാഗ്രതാനിര്ദേശം നല്കി.
തിങ്കളാഴ്ച മുതല് ബുധനാഴ്ച വരെ കേരള, ലക്ഷദ്വീപ് തീരങ്ങളില് പ്രക്ഷുബ്ധമായ കാലാവസ്ഥയ്ക്ക് സാധ്യതയുണ്ട്. തിങ്കള്, ചൊവ്വ വരെയാണ് തെക്ക് ആന്ഡമാന് കടലിലും തെക്കുകിഴക്ക് ബംഗാള് ഉള്ക്കടലിലും പ്രക്ഷുബ്ധമായ കാലാവസ്ഥയ്ക്ക് സാധ്യതയുള്ളത്.
ഈ പശ്ചാത്തലത്തില്, മത്സ്യത്തൊഴിലാളികള് മേല്പറഞ്ഞ സ്ഥലങ്ങളില് മേല്പറഞ്ഞ കാലയളവില് മത്സ്യബന്ധനത്തിന് പോകരുതെന്നാണ് നിര്ദേശം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
