തിരുവനന്തപുരം: കേരളത്തിന്റെ നിപ പ്രതിരോധ പ്രവര്‍ത്തനങ്ങള്‍ക്ക് ഉത്തര്‍പ്രദേശില്‍ ആദരം. യു.പിയില്‍ നടക്കുന്ന എമര്‍ജന്‍സി മെഡിസിന്‍ അസോസിയേഷന്‍ ദേശീയ സമ്മേളനത്തില്‍ വച്ച് ഈ മാസം 21ന് ആരോഗ്യമന്ത്രി കെ.കെ ശൈലജ ആദരവ് ഏറ്റുവാങ്ങും.
മികച്ച നേതൃത്വം, ആത്മാര്‍ഥസേവനം, ദീര്‍ഘവീക്ഷണം എന്നിവയില്ലാതെ നിപാ വൈറസ് ദുരന്തത്തെ മറികടക്കാനാകില്ല. ലോകം ആകാംക്ഷയോടെ വീക്ഷിച്ചതാണ് കേരളത്തിന്റെ നിപ പ്രതിരോധം. മാതൃകാപരമായ ഈ പ്രവൃത്തി മനസ്സിലാക്കാന്‍ രാജ്യത്തുള്ള എല്ലാവര്‍ക്കും താല്‍പ്പര്യമുണ്ടെന്നും എമര്‍ജന്‍സി മെഡിസിന്‍ അസോസിയേഷന്‍ ഭാരവാഹി പ്രൊഫ. പ്രവീണ്‍ അഗര്‍വാള്‍, സംഘാടക സമിതി സെക്രട്ടറി ഡോ. എസ് കെ ശുക്ല എന്നിവര്‍ ആരോഗ്യമന്ത്രിക്കയച്ച ക്ഷണക്കത്തില്‍ പറയുന്നു.
എമര്‍ജന്‍സി മെഡിസിന്‍ വിഭാഗത്തില്‍ ഇന്ത്യയിലെ ഏക പ്രൊഫഷണല്‍ കോണ്‍ഫറന്‍സായ ഇ.എം ഇന്ത്യ 2018 ആണ് 21, 22 തീയതികളിലായി യു.പിയിലെ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സ്, ബനാറസ് ഹിന്ദു സര്‍വകലാശാല എന്നിവിടങ്ങളില്‍ നടക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
